ආර්ථීකය සරලව
කු නොවන මුල්‍ය ආයතනවලින් ලබාගෙන ඇති ණය ගෙවීමට මහ බැංකුව ලබා දී ඇති සහන කාලය දීර්ඝ කිරීම සඳහා ඉල්ලුම් කිරීමේ කාලය දෙසැම්බර් 10 දා දක්වා දීර්ඝ කොට ඇති බව ශ්‍රී ලංකා මහ බැංකුව නිවේදනය කරයි.
මේ සඳහා කලින් ලබා දී තිබු කාලය නොවැම්බර් 25 දායින් අවසන් වී ය.
ජාත්‍යන්තර ණය ශ්‍රේණිගත කිරීම් අනුව ශ්‍රී ලංකාවේ ශ්‍රේණිය ස්ථාන දෙකකින් පහත හෙලීමට
ෆිච්ට් රේටින් ආයතනය තීරණය කොට ඇත . හොන්කොන්හි සිට ක්‍රියාත්මක වන ජාත්‍යන්තර ණය ශ්‍රේණිගත් කිරීමේ ආයතනයක් වන
කැළණි ගඟේ වැඩිවෙමින් පවතින පරිසර දුෂණය වැළක්වීම සඳහා ගඟ දෙපස ඇති අනවසර ඉදිකිරීම් ඉවත්කරන ලෙස පාර්ලිමේන්තුවේ පොදු ව්‍යාපාර කාරක සභාව හෙවෙත් කෝප් කමිටුව පරිසර අමාත්‍යංශය ඇතුළු රජයේ අදාළ ආයතන බලධාරීන්ට ඊයේ නියෝග කොට ඇත.
ඊයේ (26) පැවති කෝප් කමිටු රැස්වීමට පරිසර අමාත්‍යාංශයේ සහ අනෙක් අදාළ අමාත්‍යාංශවල සහ ආයතනවල නිලධාරීන් කැඳවා තිබුනේ කැළණි ගඟේ පරිසර දුෂණය පිළිබඳව පාරසරික විගණන වාර්තාව සාකච්ඡා කිරීම සඳහා ය.
දිනකට කොළඹ නගරයට මගීහු මිලියන 19ක් පමණ ඇතුළු වෙති. ගාලු පාරේ පැමිණෙන මගීන්ගෙන් සීයට 35ක් දුම්රියෙන් ඇතුළුවෙති. මීගමුව මාර්ගයේ මගීන්ගෙන් සීයට 43ක් දුම්රිය මගින් ඇතුළුවෙති. නුවර පාරේ සීයට 39ක් දුම්රිය මගින් ඇතුළුවෙති. ඒ අනුව සැලකිය යුතු ප්‍රතිශතයක් දුම්රිය මගීහුය.
එහෙත් නුගේගොඩ, මහරගම, කොට්ටාව, පාදුක්ක හරහා අවිස්සාවේල්ල දක්වා දිවෙන කැලණිවැලි මාර්ගයේ දුම්රිය පාවිච්චි කරන්නේ සීයට 10ක් පමණි. දිනකට මගීහු 14,500ක් පමණක් එම මාර්ගයෙන් ඇතුළුවෙති.
රජයේ හෝ පෞද්ගලික අංශයේ වැටුප් ලබන සේවකයින් තම දේපළ ඇපයට තබා බැංකුවලින් ලබාගන්නා ණය සඳහා අයකළ හැකි උපරිම පොලිය සියයට 7 ක් බව ශ්‍රී ලංකා මහා බැංකුවේ මුදල් මණ්ඩලය තීරණය කොට ඇත. බලපත්‍ර ලාබී සියලු බැංකු සඳහා මෙම තීරණය වලංගු වෙයි.
මෙම සියයට හතේ අවම පොලිය අඩු තරමින් ණය ගෙවීමේ මුල් වසර පහ සඳහා ලබාදිය යුතුය. ඉන් පසුව ද අය කළ හැකි වන්නේ රටේ සාමාන්‍ය ප්‍රාථමික පොලි අනුපාතයට වඩා සියයට එකකින් වැඩි පොලියක් පමණකි.
කොවිඩ් 19 නිසා විපතට පත් කුඩා ව්‍යාපාරවලට ආධාර කිරීම සඳහා ඩොලර් මිලියන 165 ක මුදලක් රජයට ලබාදීමට ආසියානු සංවර්ධන බැංකුව ඉදිරිපත් වී සිටියි.
මෙම සහන ණය මුදල ලබාදීමේ ගිවිසුමට ශ්‍රී ලංකාවේ භාණ්ඩාගාර ලේකම් එස් ආර් ආටිගල සහ ආසියානු සනවර්ධන බැංකුවේ ශ්‍රී ලංකා නේවාසික නියෝජිත චෙන් චෙන් මහත්වරුන් අත්සන් තැබීම මුදල් අමාත්‍යංශයේ දී සිදුවීය.
ශ්‍රී ලංකා මහජන උපයෝගිතා කොමිසන් සභා පනතට සහ ලංකා විදුලි බල මණ්ඩල පනතට අවශ්‍ය සංශෝධන කඩිනමින් සිදුකොට , මෙගා වොට් 300 ක් ගල් අඟුරු විදුලි බලාගාරයක් ඉක්මනින් ඉදිකරන බව මුදල් ඇමතිවරයා ද වන අගමැති මහින්ද රාජපක්ෂ මහතා පාර්ලිමෙන්තුවේ දී පක්ෂ කළේ ය.
අයවැය තෙවනවර කියවීමේ විවාදයට සහභාගී වෙමින් මහින්ද රාජපක්ෂ මහතා ප්‍රකාශ කළේ “ ව්‍යාපෘති කඩිනමින් ක්‍රියාත්මක කිරීමට ඉඩ ලබාගැනීම සඳහා මහජන උපයෝගිතා කොමිසන් සභා පනත සහ ලංකා විදුලිබල මණ්ඩල පනත සංශෝධනය කිරීමට මම යෝජනා කරනවා” යනුවෙනි.
පෞද්ගලික අංශයේ සේවකයින්ගේ විශ්‍රාම යාමේ වයස් සීමාව 55 සිට 60 දක්වා වැඩි කිරීම ගැන එක්සත් ජාතික පක්ෂයේ විරෝධයක් නැතත්, එය කළ යුත්තේ එම සේවකයන්ගේ අභිලාෂයන් ගැන හොඳ සාකච්ඡාවකින් පසුව බව එක්සත් ජාතික පක්ෂයේ කෘත්‍යාධිකාරී මණ්ඩල සභික හිටපු ඇමති වජිර අබේවර්ධන මහතා ප්‍රකාශ කරයි.
අර්ථ සාධක අරමුදලේ තමන් ඉතිරි කර ඇති මුදල් ආපසු ලබාගැනීමේ කැමැත්ත, සෞඛ්‍යය හෝ වෙනත් හේතු නිසා කල්තබා විශ්‍රාම යාමේ වුවමනාව ආදිය ගැන මෙහි දී සැලකිල්ලට ගත යුතු බවත් , රාජ්‍ය පරිපාලන හිටපු ඇමති වජිර අබේවර්ධන මහතා කියයි.
දැනට ක්‍රියාත්මක සංචාරක පනත වෙනස් කිරීම සඳහා ඉදරිපත් කොට ඇති අයවැය යෝජනාවට තම සංගමයේ දැඩි විරෝධය පලකරන බවත්, පනත වෙනස් කිරීමේ කිසිදු වුවමනාවක් පැන නැගී නැති බවත්, ශ්‍රී ලංකා අභ්‍යන්තර සංචාරක ක්‍රියාකරුවන්ගේ සංගමය නිවේදනයක් නිකුත් කරමින් ප්‍රකාශ කරයි . මෙය තම සංගමයේ පමණක් නොව මෙම කර්මාන්තයේ සිටින සියලු දෙනාගේ ඒකමතික අදහස බව ද එම නිවේදනයේ සඳහන් වෙයි.
“ මෙම පනත මගින් ශ්‍රී ලංකාවේ සංචාරක කර්මාන්තයේ යහපත සඳහා විශාල සේවයක් සිදු වී ඇති බැවින් , මෙම පනත වෙනස් කිරීමේ වුවමනාවක් නැති බව අප සංගමයේ සාමාජිකයන්ගේ ඒකමතික අදහස යි. ශ්‍රී ලංකා හොටල්කරුවන්ගේ සංගමය , ශ්‍රී ලංකා සංචාරක නියෝජිතයන්ගේ සංගමය සහ සංචාරක ක්ෂේත්‍රයේ අනෙක් වැදගත් සංවිධාන කිසිවක් වර්තමාන පනත වෙනස් කිරීමට ඉල්ලා නැත “ යි සංචාරක ක්‍රියාකරුවන්ගේ සංගමය කියයි.
ශ්‍රී ලංකා මහ බැංකුවේ සේවකයකුට කොවිඩ් 19 ආසාධනය වී ඇති බව තහවුරුවීමත් සමග බැංකුවේ ඉහළ නිලධාරීන් ඇතුළු සේවක පිරිසක් නිරෝධායනයට යොමු කොට ඇති බව වාර්තා වෙයි.
කෙසේ වෙතත් , මහ බැංකුවේ අත්‍යවශ්‍ය සේවා පවත්වාගෙන යාමට විශේෂ වැඩ පිළිවෙලක් යොදා ඇති බව මහා බැංකුව කියයි . ඒ අනුව මුර සේවා ක්‍රමයක් යටතේ සේවකයින් පිරිසක් සේවයේ යොදවා ඇති බවත් ,වැඩ කටයුතු පවත්වාගෙන යාමට විශේෂ කාර්ය බලකායක් පිහිටුවා ඇති බවත් කියති.
