වසරක් තුළ ආහාර වියදම සියයට 30 කින් ඉහළට – අඩ්වෝකාටා ‘බත්කරී’ දර්ශකයෙන් පෙන්නුම් කරයි
පසුගිය වසරක කාලය තුළ මේර ජනයාගේ ආහාර වියදම සියයට 29.86 කින් ඉහළ ගොස් ඇති බව ‘අඩ්වෝකාටා’ ආයතනය හඳුන්වා දී ඇති ‘බත්කරි ‘ දර්ශකයෙන් පෙන්නුම් කරයි. එම දර්ශකයට අනුව පසුගිය මාසයේ ආහාර වියදම් ඉහළ යෑමේ ප්‍රතිශතය සියයට 14.3 කි. පසුගිය මාස තුනේ සාමන්‍යය සටහන් වී ඇත්තේ සියයට 12.32 ක් වශයෙනි.
සාමාන්‍ය ජනයාගේ ආහාර වියදම්වල ඉහළ , පහළ යෑම ගණනය කිරීම සඳහා හඳුන්වා දී ඇති මෙම දර්ශකය මගින් පෙන්නුම් කරනුයේ මහජනයා සිය ආහාර සඳහා කරන වියදම් ය. කුටුම්භයක සියලු වියදම් මත පදනම් වන පාරිභෝගික මිල දර්ශක හෝ උද්ධමන දර්ශක වලින් මෙම දර්ශකය වෙනස් වන්නේ මහජනයාගේ අත්‍යවශ්‍ය ආහාර මිල පමණක් මෙහි දී සැලකිල්ලට ගන්නා හෙයිනි.
සහල්, පරිප්පු, එළවළු , මාළු වැනි අත්‍යවශ්‍ය ආහාර මත කළ බර තැබීම් මගින් මෙම දර්ශකය ගණන් බැලීම සිදු කරනු ලබයි.
