ආර්ථීකය සරලව
ශ්‍රී ලංකාවේ විදුලි පිරිවැය අඩුකිරීම සඳහා ඉන්දියාවේ කොචි සිට කොළඹ දක්වා ද්‍රව ස්වභාවික වායු හෙවත් LNG නල මාර්ගයක් සැකසීමට ඉන්දියාව කටයුතු කරමින් සිටින බව ශ්‍රී ලංකාවේ ඉන්දීය මහ කොමසාරිස් සන්තෝෂ් ජා මහතා පවසයි.
ඉන්දියාවේ 75 වැනි ජනරජ දිනය නිමිත්තෙන් ඉන්දියා හවුස් හි පැවැති උත්සවයකදී ඔහු මෙම අදහස් පළකළේය.
උමා ඔය ජල විදුලි ව්‍යාපෘතියෙන් ජාතික විදුලි බල පද්ධතියට විදුලිය සැපයීම පෙබරවාරි 15 දා සිට ඇරඹෙනු ඇතැයි වාර්තා වෙයි.
එමගින් ජාතික පද්ධතියට මෙගා වොට් 120 ක විදුලි ධාරිතාවක් එක් කිරීමට නියමිත ය.
කිසියම් රටක නිපදවන භාණ්ඩ හා සේවාවන් වලින් කොටසක් අපනයනය කළ යුතු බව විවිධ ආර්ථික අදහස් පිළිගන්න හා විවිධ දේශපාලනික මත දරන අය පුළුල් ලෙස පිළිගන්නා කරුණක්. සංවෘත, ජාතික සමාජවාදී ආර්ථිකයක් වෙනුවෙන් හෝ ආරක්ෂණවාදය වෙනුවෙන් පෙනී සිටින අය පවා අපනයන ප්‍රවර්ධනය කිරීමේ වැදගත්කම ගැන කතා කරනවා. එවැනි අය විරුද්ධ වෙන්නේ ආනයන වලටයි.
රටක් අපනයන කළ යුත්තේ ඇයි?දේශ සීමා බාධක ඉතා අඩු හෝ නැති, ජාත්‍යන්තරයට විවෘත, ලිබරල් ආර්ථික ක්‍රමයක් ගැන පෙනී සිටින අය අපනයන ප්‍රවර්ධනය වෙනුවෙන් පෙනී සිටින එක තේරුම් ගන්න අපහසු නැහැ. නමුත්, සංවෘත, ජාතික සමාජවාදී ආර්ථිකයක් වෙනුවෙන් පෙනී සිටින අයත් අපනයන ප්‍රවර්ධනය කිරීමේ වැදගත්කම ගැන කතා කරන්නේ ඇයි?
තායිලන්තය සමග නිදහස් වෙළෙඳ ගිවිසුමට ලබන පෙබරවාරි මස 3 දා අත්සන් තබන බව ජනාධිපති රනිල් වික්‍රමසිංහ මහතා ප්‍රකාශ කළේ ය.
එහිදී ජනාධිපතිතුමා මෙසේ ද කී ය. ” තරගකාරී වෙළෙඳ පොළක් සමඟ අපනයන ඉහළ නංවාගෙන විදේශ විනිමය ඉහළ නංවා ගැනීමට කටයුතු කළ යුතුයි. පෙබරවාරි 03 වැනිදා අප තායිලන්තය සමඟ ගිවිසුම අත්සන් තබනවා. තායිලන්තය අපේ රට වගේම ථෙරවාදී බෞද්ධ රටක්. නමුත් ඔවුන් ගියේ එක මාර්ගයක. අප ගියේ තවත් මාර්ගයක. එහි වෙනස තමයි අද දක්නට ලැබෙන්නේ.”
වංචනික ක්‍රම මගින් උපයාගෙන පිටරට සඟවා ඇති මුදල් අත්පත් කරගෙන මෙරටට යළි ගෙන්වා ගැනීමට අවශ්‍ය නව නීති සඳහා පනතක් තමා ඇතුළු කමිටුවක් මගින් දැන් කෙටුම්පත් කරමින් සිටින බව අල්ලස් හෝ දුෂණ විමර්ශන කොමිසමේ හිටපු අධ්‍යක්ෂ ජෙනරාල් ජනාධිපති නීතිඥ සරත් ජයමාන්න මහතා ප්‍රකාශ කරයි.
රජය විසින් පත්කරනු ලැබ ඇති මෙම කෙටුම්පත් කමිටුව ශ්‍රේෂ්ටාධිකරණ විනුසුරු යසන්ත කෝදාගොඩ මහතාගේ ප්‍රධානත්වයෙන් වන අතර නීතිපති දෙපාර්තුමේන්තුවේ නිලධාරීහු ද එයට ඇතුලත් වෙති.
රුපියල තව දුරටත් ශක්තිමත් වෙමින් අද උදෑසන ඇමෙරිකානු ඩොලරය රුපියල් 317.10/40 මට්ටමට පැමිණි බව වාර්තා වෙයි.
අවසන් ගනුදෙනු දිනය වූ බදාදා සවස එය හුවමාරු වුයේ රුපියල් 318.10/40 අගයකට ය.
ශ්‍රී ලංකාවේ 2023 සංචාරක ආදායම පෙර වසරේ ඩොලර් බිලියන 1.1 සිට ඩොලර් බිලියන 2.1 දක්වා සියයට 80 කින් ඉහළ ගොස් ඇති බව නිල දත්ත පෙන්වා දෙයි.
2022 දී විරෝධතා-ප්‍රමුඛ දේශපාලන අර්බුදයෙන් පසු පැමිණීම ක්‍රමයෙන් ඉහළ ගොස් ඇති හෙයින් ආදායම 2023 දෙසැම්බර් මාසයේදී පෙර වසරේ පැවති ඩොලර් මිලියන 127.3 සිට ඩොලර් මිලියන 269.3 දක්වා දෙගුණයකට වඩා වැඩි විය.
විදුලි ගාස්තු සංශෝධනය සඳහා ලංකා විදුලිබල මණ්ඩලය සකස් කර ඇති ගණනය කිරීම් අනුව සියයට නවයක ගාස්තු අඩු කිරීමක් යෝජනා කරනු ඇතැයි වාර්තා වෙයි.
ඒ සඳහා වන ලංවිම යෝජනාව මහජන උපයෝගිතා කොමිසම වෙත ලබන සතියේ අග වන විට ලබාදිය හැකි බව ද විදුලි බල මණ්ඩලය කියයි.
සීගිරිය/දඹුල්ල සහ ත්‍රිකුණාමලය සංචාරක කලාප සංවර්ධනයට රුපියල් බිලියනයක ආයෝජනයකින් ව්‍යාපෘති රැසක් ක්‍රියාත්මක කිරීමට සැලසුම් කොට ඇත. ආසියානු සංවර්ධන බැංකුවේ සහාය ඇතිව නාගරික සංවර්ධන අධිකාරිය මෙම ව්‍යාපෘතිය ක්‍රියාත්මක කරයි
කොවිඩ් -19 වසංගතය සහ පසුව ඇති වූ ආර්ථික අර්බුදය හේතුවෙන් මෙම ව්‍යාපෘතිය ඇණහිට තිබු බව නාගරික සංවර්ධන අමාත්‍ය ප්‍රසන්න රණතුංග මහතා ප්‍රකාශ කරයි.
තවත් පවුල් ලක්ෂ දහයකට අස්වැසුම දෙන්න මුදල් වෙන්කර ඇති බව ජනාධිපති රනිල් වික්‍රමසිංහ මහතා යාපනේ රාජ්‍ය සේවකයින් සමග පැවති රැස්වීමක දී ප්‍රකාශ කළේ ය. උතුරේ දිළිඳු ජනයාට එම සහනාධාරය ඉක්මනින් ලබා දීමට කටයුතු කරන ලෙස එතුමා රජයේ නිලධාරීන්ගෙන් ඉල්ලා සිටියේ ය.
අස්වැසුම මගින් දිළිඳු ජනයාට ලැබෙන මුදල පෙර මෙන් තුන් ගුණයක් බව පෙන්වා දුන් ජනාධිපතිවරයා කීවේ පවුල් ලක්ෂ 24 කට අස්වැසුම දීමට මුදල් වෙන්කර ඇතත්, තවමත් ලබා දී ඇත්තේ ලක්ෂ 14 කට බව යි. ප්‍රතිලාභින් හඳුනාගැනීමේ දී දකුණේ ඇතැම් ප්‍රශ්න මතුවීම මෙම තත්ත්වයට හේතු වූ බව කී ජනාධිපතිතුමා එබදු ප්‍රශ්න නැති උතුරේ දී ජනයාට සහන ඉක්මනින් ලබාදිය හැකි බව යි.
