විදේශ ණය ගැන එකඟත්වය : පොලිය අඩු කරයි ; ගෙවීමට දිගු කාලයක්
ශ්‍රී අලංකාවේ විදේශ ණය ප්‍රතිව්‍යුහගත කිරීමේ සම්බන්ධයෙන් නිල ණය හිමි කමිටුව සමග ඇති කරගත් එකඟතාවය අනුව ණය සඳහා පොලිය අඩු කිරීම සහ ගෙවීමට දෙන කාලය දීර්ඝ කිරීම යන ප්‍රතිකර්ම දෙක ප්‍රධාන වන බව ශ්‍රී ලංකා රජයේ ආරංචි මාර්ග කියයි.
පැරිස් සමාජයේ රටවල් , ඉන්දියාව සහ හංගේරියාව ඇතුලත් නිල ණය හිමි කමිටුවේ මෙම එකඟතාව ඊයේ ශ්‍රී ලංකා රජයට දැනුම් දී තිබේ, මෙම කණ්ඩායමේ ප්‍රතිව්‍යුහගත කරණයට ලක්වන ණය ප්‍රමාණය ඩොලර් බිලියන 5.9 කි.
ඩොලර් බිලියන 4.2 ක් වන චීනයේ එක්ෂිම් බැංකුවේ ණය ප්‍රතිව්‍යුහගත කිරීමේ යෝජනාව මීට පෙර ලැබුණු අතර නිල ණය හිමියන්ගේ තීරණය ගෙන ඇත්තේ එම එකඟතාවය ද සැලකිල්ලට ගනිමින් ය.
මෙම එකඟතා පදනම් කරගෙන ජාත්‍යන්තර බැඳුම්කර ඇතුළු අනෙකුත් ණය හිමියන් සමග ඉක්මන් එකඟතාවයකට පැමිණීමට හැකි වනු ඇති බව රජය ප්‍රකාශ කරයි.
