ආර්ථීකය සරලව
මෙරට ඉදි වන ශ්‍රී ලංකාවේ පළමු ස්වභාවික වායු (LNG) විදුලි බලාගාරය සඳහා මුල්ගල තැබීම අගමැති මහින්ද රාජපක්ෂ මහතා අතින් පෙරේදා (05) සිදුකරනු ලැබී ය .
කෙරවලපිටියේ මෙම විදුලි බලාගාරය ඉදි කරනු ලබන්නේ ලංකා ට්‍රාන්ස්ෆෝමර්ස් ආයතනය විසිනි. ඒකාබද්ධ චක්‍ර බලාගාරයක් ලෙස මෙය ඉදි කිරීමට සැලසුම් කොට ඇත.
උතුරු මැද පළාතේ මහ ඇළ ව්‍යාපෘතියේ ප්‍රථම අදියර වශයෙන් ආසියාවේ දිගම වාරි උමඟේ ඉදිකිරීම් කටයුතු ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් අනුරාධපුර, පලුගස්වැවදී ඊයේ (05) ආරම්භ කෙරිණි. මහා සංඝරත්නයේ පිරිත් සජ්ඣායනා මධ්‍යයේ එහි සමරු ඵලකය ජනාධිපතිවරයා විසින් නිරාවරණය කරන ලද අවස්ථාව. ඇමැතිවරුන් සහ රාජ්‍ය ඇමැතිවරුන් වන චමල් රාජපක්ෂ, එස්. එම්. චන්ද්‍රසේන, සිරිපාල ගම්ලත්, චන්න ජයසුමන මහත්වරුද මෙහි වෙති.
කටුනායක, කලුදියවල රජයේ ඉඩමෙහි අක්කර 100කට අධික භූමිභාගයක හරිත කර්මාන්තපුරයක් පිහිටුවීම සඳහා ඉදිරිපත් කළ අමාත්‍ය මණ්ඩල සංදේශයට අනුමැතිය ලැබී ඇති බවත් කර්මාන්ත අමාත්‍යාංශය මගින් රුපියල් මිලියන 2000කට අධික පිරිවැයක් යොදවා ජලය, විදුලිය හා ප්‍රවේශ මාර්ග පහසුකම් සහිතව එම භූමිය පරිසර හිතකාමීව සංවර්ධනය කර බස්නාහිර පළාතේ කර්මාන්ත ඇරඹීම පිණිස ඉල්ලුම් කර ඇති ආයෝජකයන්ට ලබා දීමට කඩිනමින් කටයුතු කරන බවත් කර්මාන්ත අමාත්‍ය විමල් වීරවංශ මහතා පවසයි.
දකුණු ආසියාවේ විශාලතම ටයර් සහ රේඩියර් ටයර් නිෂ්පාදන කර්මාන්ත ශාලාව වන ‘ෆෙරෙන්ටිනෝ ටයර් කෝපරේෂන් (පුද්) සමාගම’ (Ferentino Tyre Corporation PVT Ltd) ජනාධිපතිගෝඨාභය රාජපක්ෂ මහතාගේ ප්‍රධානත්වයෙන් හොරණදී ඊයේ (14) පස්වරුවේ විවෘත කෙරිණි.හොරණ වගවත්ත ආයෝජන මණ්ඩල කාර්මික කලාපයට අයත් අක්කර 155ක භූමියක කර්මාන්ත පරිශ්‍රය ස්ථාපනය කර තිබෙන අතර මෙම කර්මාන්ත ශාලාවේ පළමු අදියර සඳහා අමෙරිකානු ඩොලර් මිලියන 100 ක් ආයෝජනය කර තිබේ.
තිස් වසරකට වැඩි කලක් වසා දමා තිබු කන්තලේ සීනි කර්මාන්ත ශාලාව යලි ආරම්භ කිරීමේ පියවර මේ වන විට ක්‍රියාත්මක කොට ඇති බව වාර්තා වෙයි .
ඒ අනුව මෙම කර්මාන්තශාලාව සඳහා වන ඉඩම් , ගොඩනැගිලි සහ යන්ත්‍ර සුත්‍ර ආදිය නව සමාගමකට භාර දීම මේ වනවිට සිදුවෙමින් පවතියි.
කොළඹ වරායේ නැගෙනහිර පර්යන්තය සංවර්ධනය ඉන්දියාවේ අදානි සමාගමට ලබාදීමට කැබිනට් මණ්ඩලයේ අනුමැතිය ලැබී ඇති බව වාර්තා වෙයි .
වරාය හා නාවික ඇමති රෝහිත අබේගුණවර්දණ මහතා මාධ්‍ය හමුවක් අමතමින් මේ බව ප්‍රකාශ කොට ඇත.
මධ්‍යම අධිවේගී මාර්ගයේ පොතුහැර සිට ගලගෙදර දක්වා කිලෝමීටර් 32.5ක කොටසේ වැඩ මේ වසර නිමවීමට පෙර ආරම්භ කරන බව අමාත්‍ය ජොන්ස්ටන් ප්‍රනාන්දු මහතා පවසයි.
අධිවේගී මාර්ග ඉදිකිරීමේ දී හා මාර්ග සංවර්ධනයේ දී ඉඩම් පවරා ගැනීම හා වන්දි මුදල් ගෙවීම සඳහා රුපියල් බිලියන 40ක් වෙන් කර ඇති බවත් එය ඉතිහාසයේ වන්දි ලබා දීම සඳහා වෙන්කර ඇති විශාලතම මුදල බවත් අමාත්‍යවරයා වැඩිදුරටත් පැවසීය.
මන්නාරමේ ඉදිකර ඇති , මෙරට විශාලතම සුළං විදුලි බලාගාර සංකීර්ණය වන ‘තම්බපවනී’ විදුලි බලාගාරය ජාතික විදුලිබල පද්ධතියට එක් කීරීම අද (08) සිදුවිය
අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් මන්නාරම ‘තම්බපවනී’ සුළං විදුලි බලාගාරය විවෘත කෙරුණි.
රොබෝ තාක්ෂණය සහ ජෛව තාක්ෂණය සඳහා රජයේ සමාගම් දෙකක් පිහිටුවන බව භාණ්ඩාගාරයේ ලේකම් සජිත් ටී ආටිගල මහතා ප්‍රකාශ කරයි.
ඒ මහතා පැවසුවේ මෙම සමාගම් පිහිටුවීමේ අරමුණ වන්නේ රොබෝ තාක්ෂණය සහ , ජෛව තාක්ෂණය සංවර්ධනය සඳහා පෞද්ගලික අංශය සමග එක්ව කටයුතු කිරීම බවයි.
ශ්‍රී ලංකාවේ ඉදිරි ආර්ථික වර්ධනය සඳහා වැඩි වැඩියෙන් ණය ගැනීම වෙනුවට විදේශ ආයෝජන වැඩි වැඩියෙන් ලබා ගැනීමටත් , දේශීය ආයෝජන දිරිගැන්වීමටත් කටයුතු කරන බව කී ජනාධිපති ගොඨාභය රාජපක්ෂ මහතා ඒ සඳහා ආයෝජනවලට සම්පුර්ණ ආරක්ෂාව සලසන නව නීති හඳුන්වා දීමට කටයුතු කරන බව ද ප්‍රකාශ කළේ ය.
මේ වනවිට ශ්‍රී ලංකාව විශාල ණය ප්‍රශ්නයකට මුහුණ දී ඇති බවත් , එම තත්ත්වය වෙනස් කිරීම සඳහා තව දුරටත් ණය ගැනීම වෙනුවට ආයෝජන ලබාගැනීමට කටයුතු කරන බව ද පැවසී ය.
