ආර්ථීකය සරලව
කැළණි ගඟේ වැඩිවෙමින් පවතින පරිසර දුෂණය වැළක්වීම සඳහා ගඟ දෙපස ඇති අනවසර ඉදිකිරීම් ඉවත්කරන ලෙස පාර්ලිමේන්තුවේ පොදු ව්‍යාපාර කාරක සභාව හෙවෙත් කෝප් කමිටුව පරිසර අමාත්‍යංශය ඇතුළු රජයේ අදාළ ආයතන බලධාරීන්ට ඊයේ නියෝග කොට ඇත.
ඊයේ (26) පැවති කෝප් කමිටු රැස්වීමට පරිසර අමාත්‍යාංශයේ සහ අනෙක් අදාළ අමාත්‍යාංශවල සහ ආයතනවල නිලධාරීන් කැඳවා තිබුනේ කැළණි ගඟේ පරිසර දුෂණය පිළිබඳව පාරසරික විගණන වාර්තාව සාකච්ඡා කිරීම සඳහා ය.
පිටකොටුව මැනිං වෙළෙඳපොළ වෙනුවට ඉදිකෙරුණු පෑලියගොඩ නව එලවලි තොග වෙළෙඳ සංකීර්ණය අග්‍රාමාත්‍ය මහින්ද රාජපක්ෂ මහතා විසින් අද (20) විවෘත කරනු ලැබී ය.
අක්කර 13ක විශාල භූමි භාගයක ඉදිකෙරුණු නව සංකීර්ණය පහසුකම් රැසකින් සමන්විතය.
හම්බන්තොට වරාය ආශ්‍රිතව සංවර්ධනය කෙරෙන හම්බන්තොට ආයෝජන කලාපයේ පළමු විදේශ ආයෝජනය සඳහා වන ගිවිසුමට අද අත්සන් තැබෙන බව වාර්තා වෙයි.
මෙම ආයෝජනය සිදුවන්නේ සැහැල්ලු වාහන සහ ට්‍රක් රථ සඳහා රේඩියල් ටයර් නිපදවීම සඳහා වන කර්මාන්ත ශාලාවක් ඉදිකිරීමට ය. ඩොලර් මිලියන 300 ක වියදමින් මෙම කර්මාන්ත ශාලාව සඳහා ආයෝජනය චීන සමාගමක් වන සංග්ඩොන් හයිහුආ ටයර් සමගම විසින් සිදුකරනු ඇත.
ශ්‍රී ලංකාවේ ප්‍රමුඛතම සන්නිවේදන සම්පාදකයා වන ඩයලොග් ආසිආටා පීඑල්සී (ඩයලොග්),සෞඛ්‍ය අමාත්‍යාංශයේ ඉල්ලීමට අනුව හෝමාගම මූලික රෝහලට ඇඳන් 10 කින් යුත් පූර්ණ ක්‍රියාකාරී දැඩි සත්කාර ඒකකයක් පරිත්‍යාග කිරීමට කටයුතු කරන ලදී. කොවිඩ් 19 ගෝලීය වසංගතය හමුවේ ජාතික සෞඛ්‍ය සේවා පරිශ්‍රමයන් සවිබලගැන්වීම සඳහා සමාගම ලබාදෙන දායකත්වයේ තවත් අදියරක් ලෙස මෙම සත්කාර්යය හැඳින්විය හැකිය.
2020 අප්‍රේල් මාසයේදී කොවිඩ් 19 පිටුදැකීම වෙනුවෙන් මෙරට සෞඛ්‍ය ක්ෂේත්‍රයට අත්‍යවශ්‍ය යටිතල පහසුකම් සංවර්ධනයට රු. ලක්ෂ 2000 ක් පරිත්‍යාග කිරීමට ඩයලොග් සමාගම එකඟතාවය පළ කරන ලදී. ශ්‍රී ලංකාවේ ප්‍රමුඛතම සන්නිවේදන සම්පාදකයා විසින් සිදුකරන ලද මෙම සුවිශේෂී පරිත්‍යාගයේ පළමු අදියර යටතේ මීගමුව දිස්ත්‍රික් මහ රෝහලට ඇඳන් 10 කින් යුත් නවීන පහසුකම්වලින් සමන්විත දැඩි සත්කාර ඒකකයක් ලබාදීමට හැකි විය. එමෙන්ම බණ්ඩාරනායක ජාත්‍යන්තර ගුවන් තොටුපොළ පරිශ්‍රය තුළ වේගවත් පී.සී.ආර්. පරීක්ෂණ සඳහා පහසුකම් සපයමින් එකී පරීක්ෂණ සහ ප‍්‍රතිඵල නිකුත් කිරීමේ කාලය පැය 8 සිට පැය 2.5 ක් දක්වා අඩුකරගැනීමට අවස්ථාව සලසන ලදී.
හෝමාගම, පිටිපන ස්ලින්ටෙක් (SLINTEC)කලාපයේ ස්ථාපිත කළ මොරිසන් ඖෂධ නිෂ්පාදන හා පර්යේෂණ මධ්‍යස්ථානය අද (02) අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් විවෘත කර තිබේ.
වසර තුනකට පෙර ඉදි කිරීම් ආරම්භ කළ මෙම ආයතනයේ වැඩ අවසන් කිරීම සඳහා වැය කළ මුදල අමෙරිකන් ඩොලර් මිලියන 13.8 කි.
ශ්‍රී ලංකාවට වාර්ෂිකව ඖෂධ පෙති බිලියන 1.8 ක් ආනයනය කරන අතර මෙම ඖෂධ නිෂ්පාදන මධ්‍යස්ථානය මඟින් ඉදිරියේ දී එම දේශීය අවශ්‍යතාවයෙන් කොටසක් සපුරාලීමට නියමිතය.
මෙගාවොට් 300 ක ධාරිතාවයකින් යුතු ස්වභාවික වායු විදුලි බලාගාරයක් කෙරවලපිටියේ ඉදිකිරීමට ජාත්‍යන්තර ටෙන්ඩර් කැඳවීමට අමාත්‍ය මණ්ඩලය ඊයේ තීරණය කළේ ය. විදුලිබල ඇමති ඩලස් අලහප්පෙරුම මහතා ඒ සඳහා ඉදිරිපත් කොට තිබු යෝජනාව අනුමත වී ඇත.
ඒ අනුව ජාත්‍යන්තර ටෙන්ඩර් කැඳවීමට ලංකා විදුලි බල මණ්ඩලය කටයුතු කරනු ඇත.
මධ්‍යම අධිවේගී මාර්ගයේ පළමු අදියරෙහි ඉදිකිරීම් කටයුතු ආරම්භ කළ බව කොළඹ චීන තානාපති කාර්යාලය පවසයි.
තානාපති කාර්යාලය ට්විටර් පණිවුඩයක් නිකුත් කරමින් කියා සිටියේ මධ්‍යම අධිවේගී මාර්ගයේ කඩවත සිට මීරිගම කොටස ඉදිකිරීම එලෙස ආරම්භ කළ බවයි.
කොළඹ කොටුවේ ඇති ඉතා පැරණි ඉදිකිරීමක් වන ගෆුර් ගොඩනැගිල්ල සුපිරි හෝටලයක් සුපිරි හෝටලයක් ලෙස සංවර්ධනය කිරීමට නාගරික සංවර්ධන අධිකාරිය තීරණය කොට ඇත.
මෙම ගොඩනැගිල්ලේ ප්‍රතිසංස්කරණ සහ නවීකරණය දැනටමත් ආරම්භ කොට ඇති බවත් එම කටයුතු වසර එකහමාරකින් අවසන් වනු ඇති බවත් නාගරික සංවර්ධන සහ වෙරල සංරක්ෂණ රාජ්‍ය ඇමති ආචාර්ය නාලක ගොඩහේවා මහතා ප්‍රකාශ කරයි.
කොළඹ කොම්පඤ්ඤවීදිය ප්‍රදේශයේ දුම්රිය හරස් මාර්ග ඉහලින් ගුවන් පාලම තුනක් ඉදිකිරීමට කැබිනට් අනුමැතිය ලැබී ඇති බව වාර්තා වෙයි.
රුපියල් බිලියන හයක වියදමින් ඉදිවන මෙම ගුවන් පාලම් සදහා දේශීය ව්‍යයසායකයින්ගෙන් ටෙන්ඩර් කැඳවීමට ඉක්මනින් ම පියවර ගන්න බව ඇමති උදය ගම්මන්පිල මහතා ප්‍රකාශ කරයි .
ස්වභාවික වායු (LNG) පාවෙන වෙළෙඳ ගබඩාවක් හම්බන්තොට වරාය ආශ්‍රිතව ඉදි කිරීමේ ගිවිසුමකට අත්සන් තැබූ බව ලංකා ආයෝජන මණ්ඩලය නිවේදනය කරයි.
ඇමෙරිකානු ඩොලර් මිලියන 97.2 ක වියදමින් මෙම ආයෝජනය කිරීමට ඉදිරිපත් වී ඇත්තේ පර්ල් එනර්ජි නම් සමාගමකි . එයට අවශ්‍ය ආයෝජනය සවුදි අරාබියේ ඕමාර් සිරාජ් නමැති ව්‍යාපාරිකයා විසින් සිදුකරනු ලබන බව පර්ල් එනර්ජි සමගම කියයි.
