ආර්ථීකය සරලව
ශ්‍රී ලංකාව ණය ලබා ගැනීමේ අනෙකුත් සියලු කොන්දේසි සපුරා තිබීම නිසා මෙම තීරණය ගෙන ඇති බව වාර්තා වෙයි.
එසේ මුල්‍ය අරමුදල චීන සහතිකය නොමැතිව ණය අනුමත කළහොත් මාර්තු මාසය වන විට මෙරටට එම නය ලබාගත හැකි වන බව ද එම වාර්තාවල සඳහන් ය.
මෙරට ලක්ෂ 46 ක් වන ශ්‍රම බලකායෙන් රුපියල් ලක්ෂයකට වැඩි වැටුප් ලබන්නේ එක් ලක්ෂ විසි දහසක පමණ පිරිසක් බව මුදල් රාජ්‍ය ඇමැති රන්ජිත් සියඹලාපිටිය මහතා ප්‍රකාශ කරයි.
එමෙන් ම , ලක්ෂ 22 කට ලැබෙන වැටුප රුපියල් තිස් දහසකට අඩු බව ද ඒ මහතා කියයි.
ශ්‍රී ලංකාව ඇතුළු රටවල් ගණනාවක් මුහුණ දී සිටින ණය ප්‍රතිව්‍යුහගත කිරීමේ ප්‍රශ්නය ගැන අදාළ සියලු රටවල් සහභාගී වන ලෝක සමුළුවක් ලබන සතියේ ඉන්දියාවේ දී පැවැත්වීමට සැලසුම් කොට ඇති බව වාර්තා වෙයි.
ලෝකයේ බලවත් රටවල් සාමාජිකත්වය දරන ජී 20 කණ්ඩායමේ මුදල් ඇමතිවරුන්ගේ සහ මහා බැංකු අධිපතිවරුන්ගේ සමුළුව ඉන්දියාවේ බැංගලුරුහිදී මෙම මස 23 සිට 25 දක්වා පැවත්වීමට නියමිත අතර එයට සමගාමීව ලෝක ණය ප්‍රශ්න ගැන විශේෂ සමුළුවක් පැවැත්වීමට සැලසුම් කොට ඇති බව කියති.
ශ්‍රී ලංකාවට ඩොලර් බිලියන 2.9 ක මූල්‍ය පහසුකම ලබාදීම සඳහා සියලු ණය හිමියන්ගේ සහතිකය අවශ්‍ය බව, අන්තර්ජාතික මූල්‍ය අරමුදල පෙන්වා දෙයි.
පැරිස් ණය දෙන රටවල එකතුවේ තීන්දුව සම්බන්ධයෙන් අදහස් දක්වමින්, අයි.එම්.එෆ්. සංවිධානය මේ බව සදහන් කර ඇත. ශ්‍රී ලංකාවට සහන සැලසීම සඳහා පැරිස් සමාජයේ රටවල් එකඟවීම ගැන සතුට පළ කරන බව, අන්තර්ජාතික මූල්‍ය අරමුදල ප්‍රකාශ කළේය.
ණය දෙන රටවල පැරිස් සමාජය ශ්‍රී ලංකාවේ ණය ප්‍රතිව්‍යුහගත කිරීමට අවශ්‍ය මුල්‍ය සහතිකය ජාත්‍යන්තර මුල්‍ය අරමුදල වෙත ලබා දී ඇති බව ජනාධිපති මාධ්‍ය අංශය කියයි.
ජාත්‍යන්තර මුල්‍ය අරමුදලේ විස්තීර්ණ ණය පහසුකම ලබා ගැනීම සඳහා මෙය අතිශය වැදගත් වෙයි.
2023 ජනවාරි මාසය අවසානයේ දී ශ්‍රී ලංකාව සතු නිල සංචිත වත්කම්වල වටිනාකම එක්සත් ජනපද ඩොලර් මිලියන 2,120 ක් හෙවත් ඩොලර් බිලියන 2.12 ක් බව ශ්‍රී ලංකා මහ බැංකුව කියා සිටී.
මෙය 2022 දෙසැම්බර් මාසය අවසානයේ දී පැවති ඩොලර් මිලියන 1,898 ක්වූ සංචිත වත්කම් ප්‍රමාණය හා සැසඳීමේ දී 11.7%ක ඉහළ යාමක් වේ.
ශ්‍රී ලංකා මහජන උපයෝගිතා කොමිසමේ පුරප්පාඩු වී තිබු සාමාජික තනතුරක් සඳහා ඩග්ලස් නානායක්කාර මහතා පත්කර ඇති බව වාර්තා වෙයි.
මෙම පත්කිරීම පසුගිය පෙබරවාරි 2 දා සිට වලංගු වනසේ පත්කර ඇත්තේ කොමිසමේ සාමාජිකත්වයේ සිටි ඉංජිනේරුවරයා පසුගිය වසරේ තනතුරින් ඉල්ලා අස්වීම නිසා ඇතිව තිබු පුරප්පාඩුවට බව කියති.
2023 ජනවාරි මාසයේදී ශ්‍රී ලංකාව සංචාරකයින් 102,000 ක් පැමිණ ඇති අතර එය පෙර වසරට වඩා සියයට 24.5 කින් වැඩි වී ඇති බව නිල දත්ත පෙන්වා දෙයි.
2022 ජනවාරි මාසයේදී සංචාරක පැමිණීම 82,232 ක් පමණි.
කොළඹ කොටස් වෙළෙඳපොළ සියලු කොටස් මිල දර්ශකය අද (02) දිනයේ දී ඒකක 9,000 කඩඉම පසුකරන ලදී.
මෙලෙස සියලු කොටස් මිල දර්ශකය ඒකක 9,000 ඉක්මවා ගියේ 2022 ඔක්තෝබර් 14 දිනෙන් පසුව වීම විශේෂත්වයකි.
වසරක් තුළ ප්‍රථම වතාවට මෙරට අපනයන ඉපැයීම් අමෙරිකානු ඩොලර් බිලියන 13.1 ඉක්මවා 2022 වසරේදී වාර්තාවී ඇති බව මහ බැංකුව පවසයි.
එය 2021 වසරේ වාර්තා වූ ඉහළම අගයට වඩා 4.9%ක වැඩිවීමකි.
