ආර්ථීකය සරලව
ඉක්මනින්ම රට විවෘත නොකළහොත් ආර්ථිකය ඉදිරියට ගෙන යෑමට නොහැකි වන බව ජනාධිපති ගෝඨාභය රාජපක්ෂ මහතා පවසයි.
එන්නත්කරණය වේගවත් කළහොත් සැප්තැම්බර් මාසය වනවිට රට සම්පූර්ණයෙන්ම විවෘත කිරීමට හැකි වනු ඇතැයිද ජනාධිපතිවරයා සඳහන් කළේය.
ආනයනයන් තවදුරටත් සීමා කිරීමටමෙතෙක් තීන්දුවක් ගෙන නැතැයි මුදල්, ප්‍රාග්ධන වෙළඳපොළ සහ රාජ්‍ය ව්‍යවසායප්‍රතිසංස්කරණ රාජ්‍ය අමාත්‍ය අජිත් නිවාඩ් කබ්රාල් මහතා පවසයි.
දැනට පවතින තත්වය අනුව එවන් තීරණයක් ගැනීමට අවශ්‍ය නොවනු ඇතැයි ද කබ්රාල් මහතා සඳහන් කළේය.
දේශීය වෙළඳපොළේ විදේශ මුදල් ද්‍රවශීලතාවය පිළිබඳ තත්ත්වය පැහැදිලි කරමින් ශ්‍රී ලංකා මහ බැංකුවේ අධිපති දේශමාන්‍ය මහාචාර්ය ඩබ්ලිව්. ඩී. ලක්ෂ්මන් මහතා විශේෂ ප්‍රකාශයක් සිදුකොට තිබේ. එම ප්‍රකාශය මෙසේ ය.
පසුගිය දින කිහිපය තුළ, බැංකු මගින් ආනයන සඳහා පහසුකම් සැලසීමට නොහැකි වන අන්දමින් දේශීය වෙළඳපොළේ විදේශ මුදල් ද්‍රවශීලතාවයේ හිඟයක් පවතිතැයි යන උපකල්පනය යටතේ විවිධ පුද්ගලයින් සහ මාධ්‍ය විසින් අදහස් දක්වා තිබුණි. සමහර මාධ්‍ය විසින් ප්‍රකාශයට හෝ ප්‍රසිද්ධියට පත් කරන ලද වාර්තා තුළ අන්තර්ගත බරපතල සෘණාත්මක අදහස් රටට ඉතා හානිකර විය හැකි ය. මේ සම්බන්ධයෙන් පවතින සත්‍ය තත්ත්වය පැහැදිලි කිරීම මෙම ප්‍රකාශයේ අරමුණ වෙයි.
ශ්‍රී ලංකාව මේ වන විට මුහුණ පා ඇති විදේශ විනිමය අර්බුදයට ඇති ඒකම විකල්පය ජාත්‍යන්තර මූල්‍ය අරමුදල සමඟ නැවත වරක් සාකච්ඡා ආරම්භ කිරීම බවත් ඒසේ නැත්නම් ඒ සඳහා ඇති විකල්පය අනාවරණය කරන ලෙස් ඒක්සත් ජාතික පක්ෂ ජාතික ලැයිස්තු පාර්ලිමේන්තු මන්ත්‍රී රනිල් වික්‍රමසිංහ මහතා පවසයි. පාර්ලිමේන්තු මන්ත්‍රීවරයෙකු ලෙස අද (23) උදෑසන කථානායකවරයා ඉදිරියේ දිවුරුම් දීමෙන් පසුව බන්දුල ගුණවර්ධන අමාත්‍යවරයාගේ ප්‍රකාශයකට අදහස් දක්වමින් රනිල් වික්‍රමසිංහ මහතා මේ බව සඳහන් කළේය.
මෙහිදී වැඩිදුරටත් අදහස් දැක් වූ රනිල් වික්‍රමසිංහ මහතා,
රුපියල් කෝටි 2200ක මුදල්නොට්ටු මුද්‍රණය කොට වෙළෙඳපොළට නිකුත් කිරීමට ශ්‍රී ලංකා මහ බැංකුව පියවර ගෙන ඇති බව වාර්තා වෙයි.
පසුගිය සතියේ මෙම පියවර ගෙන තිබුණේ අලෙවිය සඳහා මහ බැංකුව ඉදිරිපත් කොට තිබු රුපියල් කෝටි 5000 ක් අතරින් සියයට හැටක ප්‍රමාණයක් විකුණාගත නොහැකි වීමෙන් පසුව ය.
ආණ්ඩුව ක්‍රියාත්මක කොට ඇති පොහොර තහනම නිසා කෘෂිකාර්මික වග රාශියක අස්වනු විශාල ලෙස අඩුවනු ඇති බවත්, ඇතැම් අංශ සම්පුර්ණයෙන් විනාශ වන බවත්, ඇතැම් අංශවල සිදුවන හානිය කිසි ලෙසකින් ආපසු හැරවිය නොහැකි බවත්, දිවයිනේ ප්‍රධාන කෘෂි විද්‍යාඥයෝ පිරිසක් ජනාධිපති ගොටාභය රාජපක්ෂ මහතා වෙත ලිපියක් ලියමින් කරුණු දක්වති.
එක් එක් වගාවට සිදුවිය හැකි හානි ගණනය කරමින් ඔවුන් පෙන්වා දෙන්නේ, තේ වගාව සියයට 50 ක් දක්වා ද ,වී සියයට 30 -35 කින් ද, ඉරිඟු සියයට 50 ක් දක්වා ද, අර්තාපල් සියයට 30 -50 ක් ද, උක් සියයට 30-40 කින් ද, කුරුඳු සියයට 25 කින් ද, බුලත් සියයට 20 කින් ද, උඩරට එලවළු සියයට 30 – 50 කින් ද , අස්වනු අඩු වනු ඇති බව යි.
මෙම මස 7-9 දක්වා සම්පූර්ණ මාර්ගගත (On Line) ක්‍රමය යටතේ පවත්වන ශ්‍රී ලංකා ඉන්වෙස්ට්මන්ට් ෆෝරම් 2021 ආයෝජන සමුළුව අද ආරම්භ වීය. එය මේ වන විට රටවල් රැසක ආයෝජකයින් දෙදහසකට ආසන්න පිරිසකගේ සහභාගීත්වයෙන් පැවැත්වේ.
අද (08) දහවල් වන විට මෙම සමුළුවේ සම්පූර්ණ කාලයෙන් අඩක් ගතවන විටත් රටවල් 80 කට අධික සහභාගිත්වයක් ලබා දී ඇත. විවිධ කේෂ්ත්‍රයන්ට අයත් ආයෝජකයින් 1883 කට වැඩි පිරිසකගේ අවධානය ශ්‍රී ලංකාව තුල ආයෝජනය සදහා යොමු වී ඇත. අමතර සහභාගි වන්නන් 2784ක් සමුළුවට එක් වූ බවද වාර්තා වේ. සැසිවාර 118 ක් තුල කථිකයන් 108 දෙනෙකු සමුළුව අමතනු ඇත.
නාගරික සංවර්ධන අධිකාරිය සතු කොළඹ පැරණි ඉඩම් සහ දේපළ පෞද්ගලික අංශය සමඟ ඒක්ව සංවර්ධනය කිරීමේ ක්‍රියාවලිය සම්බන්ධයෙන් නාගරික සංවර්ධන හා නිවාස අමාත්‍යාංශයේ දී ඊයේ (01) පැවති මාධ්‍ය හමුවේ දී අදහස් පළවිය.
මෙහිදී අදහස් දක්වමින් සෙලන්දිවා ආයෝජන සමාගමේ ප්‍රධාන විධායක නිලධාරී ෂමායිල් මොහිදීන් මහතා පැවසුවේ හඳුනාගත් වත්කම් සංවර්ධනය සඳහා 49%ක කොටස්, කොටස් වෙළෙඳපොළට යොමුකර අවශ්‍ය මුදල් සම්පාදනය කරගන්නා බවයි.
කොවිඩ් තෙවන රැල්ලෙන් මේ වන විට විපතට පත්ව සිටින බැංකු ගනුදෙනුකරුවන්ට සහන ලබාදීම සඳහා උපදෙස් මාලාවක් ශ්‍රී ලංකා මහ බැංකුව සියලු බලපත්‍ර ලාභී බැංකු වෙත නිකුත් කොට ඇත.
ණය ගෙවීම් ප්‍රමාදයන් සඳහා අගෝස්තු 31 දක්වා සහන ලබා දීමට සහ එම කාලය සඳහා අඩු පොලියක් අය කිරීමට එමගින් උපදෙස් දී තිබේ.
බංගලිදේශය ශ්‍රී ලංකාවට ඇමෙරිකානු ඩොලර් මිලියන 200 ක් ණය මුදලක් ලබා දීමට කටයුතු කොට ඇත.
රට මුහුණ දී සිටින විදේශ විනිමය අපහසුත නිසා ශ්‍රී ලංකාව කළ ඉල්ලීමකට අනුව මෙම ණය මුදල ලබා දී තිබේ.
