ආර්ථීකය සරලව
මුදල් මණ්ඩලය විසින් මුදල් අමාත්‍යවරයාගේ අනුමැතිය සහිතව සහකාර අධිපතිවරුන් වන ටී. එම්. ජේ. වයි. පී. ප්‍රනාන්දු මහත්මිය සහ එන්. ඩබ්ලිව්. ජී. ආර්. ඩී. නානායක්කාර මහතා 2020 දෙසැම්බර් මස 14 වැනි දින සිට ශ්‍රී ලංකා මහ බැංකුවේ නියෝජ්‍ය අධිපති තනතුරට උසස් කරන ලදී.
ටී. එම්. ජේ. වයි. පී. ප්‍රනාන්දු මහත්මිය
ශ්‍රී ලංකාවට අනුමත කොට තිබු ඩොලර් මිලියන 480 ක ආධාරය ලබා නොදීමට පසුගිය 15දා වොෂින්ටනයේදී රැස්වූ MCC හෙවත් මිලේනියම් චැලේන්ජ් කොපොරේෂන් අධ්‍යක්ෂ මණ්ඩලය තීන්දු කර ඇත. එම මුදල් වෙනත් රටකට ලබාදීමට එහි දී තීන්දු කොට තිබේ .
මුදල් අනුමත කොට තිබුණ ද එය ලබාගැනීමට ශ්‍රී ලංකාව උනන්දුවක් නොදැක්වීම නිසා මෙම තීරණය ගත් බව MCC නිවේදනය කොට තිබේ.
2020 දෙවන කාර්තුවේ දී ආර්ථිකය 16.3% කින් පහළවැටී ඇති බවත් , එය තෙවන කාර්තුවේ 1.5% ක වර්ධනයක් ඇත කරගත් බවත් ඒ අනුව වසරේ මුල් මාස 09 දී ආර්ථිකයේ සමස්ත පරිහානිය 5.3% ක් බවවත් ජනලේඛන සහ සංඛ්‍යාලේඛන දෙපාර්ත මේන්තුව වාර්තා කොට ඇත.
ජන ලේඛන සහ සංඛ්‍යාලේඛන දෙපාර්තමේන්තුවේ වාර්තා ඊයේ නිකුත් වීය. වසරේ දෙවන කාර්තුව සහ තෙවන කාර්තුව සඳහා වාර්තා දෙකක් ලෙස මෙම විස්තරාත්මක වාර්තා නිකුත් කොට ඇත
ශ්‍රී ලංකාවේ විදේශ සංචිත ප්‍රමාණය පසුගිය මාස තුනක දී ඇමෙරිකානු ඩොලර් මිලියන 1,880.70 කින් පහළ ගොස් ඇති බව ශ්‍රී ලංකා මහ බැංකු වාර්තා මගින් හෙළිදරව් වී ඇත . මෙය සියයට 25.31 ක් පහත වැටීමක් ලෙස ගණන් බලා තිබේ.
නොවැම්බර් අවසානයේ දී , ශ්‍රී ලංකාවේ විදේශ සංචිත ප්‍රමාණය සටහන් වුයේ ඩොලර් මිලියන 5,549.30 ක් වශයෙනි. එය 2017 අප්‍රේල් මාසයේ වාර්තා වූ ඩොලර් මිලියන 5,045.52 න් පසු වාර්තා වූ අඩුම අගය යි.
ශ්‍රී ලංකාවේ ණය ශ්‍රේණිය පහත දමන බව ජාත්‍යන්තර ණය ශ්‍රේණිගත කිරීමේ ආයතනයක් වන ස්ටෑන්ඩර්ඩ් ඇන්ඩ් පුවර්ස් ආයතනය අද නිවේදනය කළේ ය.
ඔවුන් ශ්‍රී ලංකාවට අද ලබාදුන්නේ CCC+/C ශ්‍රේණිය යි. එය මීට පෙර ලබා දී තිබු B – සිට ශ්‍රේණියක් පහළ දැමීමකි.
පාර්ලිමේන්තුවේ පනතකින් නීතිය වෙනස් නොකර හිතුවක්කාර ලෙස මහජන උපයෝගිත කොමිසම අහෝසි කරන්නට යෑමෙන් අලුත් ප්‍රශ්න රාශියක් නිර්මාණය වන බවත් , විදුලිබල ක්ෂේත්‍රයේ අලුත් සංවර්ධන වැඩ
කිසිවක් කළ නොහැකි තත්ත්වයක් උද්ගත වන බවත් ක්ෂේත්‍රයේ තතු දත් අංශවලින් ‘යුක්තිය’ට දැනගන්නට ලැබී ඇත.
ජාත්‍යන්තර මුල්‍ය අරමුදල සමග වැඩ සටහනකට යෑම තව දුරටත් ප්‍රමාද කළ හොත් ශ්‍රී ලංකා රජයේ ණය ශ්‍රේණිය තව දුරටත් පහත වැටීම නැවැත්විය නොහැකි වනු ඇති බව , ජාත්‍යන්තර ණය ශ්‍රේණිගත කිරීමේ ආයතනයක් වන ස්ටෑන්ඩර්ඩ් ඇන්ඩ් පුවර් විශ්ලේෂකයකු ප්‍රකාශ කොට ඇත.
මෑත කාලීනව ආර්ථික වර්ධනය අඩාල වී තිබීමත් , කොරෝනා වසන්ගතයත් නිසා රටේ රාජ්‍ය මුදල් තත්ත්වය පිරිහී ඇති බව ස්ටෑන්ඩර්ඩ් ඇන්ඩ් පුවර් ජාත්‍යන්තර රාජ්‍ය මුදල් ශ්‍රේණිගත කිරීමේ අධ්‍යක්ෂ කිම් එන්ග් ටන් මහතා ප්‍රකාශ කළ බව එකොනොමි නෙක්ස්ට් වෙබ් අයිය වාර්තා කොට ඇත.
ලංකා බැංකුවට ලබා දී තිබු ණය ශ්‍රේණිය ද පහත හෙළන බව ෆිච්ට් රේටින් ආයතනය නිවේදනය කොට ඇත.
ඒ අනුව B – ලෙස පැවතී ණය ශ්‍රේණිය CCC දක්වා පහත හෙළා ඇත. මෙම ණය ශ්‍රේණිය දක්වා පහත හෙළු විට එම රජය හෝ ආයතනය සම්බන්ධයෙන් අනාගත පුරෝකතනයක් ද සිදු කරනු නොලබයි.
ශ්‍රී ලංකාවේ ශ්‍රම බලකායෙන් සියයට 70 ක් අවිධිමත් ක්ෂේත්‍රයේ රැකියාවල නිරතව සිටීම දිගට ම පවතින කැපී පෙනෙන ලක්ෂණයක් බවත් , එම අංශයේ සේවකයන්ගේ , රැකියා සුරක්ෂිත බව , සමාජ සුරක්ෂිත බව , රැකියාවල පවතින දුර්වල සේවා තත්ත්වය මෙන් ම අඩු වැටුප් ලැබීම ආදී ගැටළු රාශියක් පවතින බවත් ලෝක බැංකුව නිකුත් කළ අලුත් ම අධ්‍යයන වාර්තාවකින් පෙන්වා දෙයි. මෙය දිළිඳු බව දිගට පැවතීමට හේතුවක් බව ද එම වාර්තාවේ සඳහන් වෙයි .
‘අවිධිමත් බව , රැකියා තත්ත්වය සහ ශ්‍රී ලංකාවේ සුබ සාධනය’ යන ශීර්ෂය යටතේ දෙසැම්බර් 02 දින දාතමින් මෙම වාර්තාව නිකුත් කොට ඇත.
ශ්‍රී ලාංකිකයින් විදෙස් රටවල තැන්පත් කොට ඇති මුදල් මෙරට විශේෂ තැන්පතු ගිණුම්වල යෙදීමට දී තිබු කාලය ලබන අප්‍රේල් 07 දින දක්වා දීර්ග කොට ඇති බව ශ්‍රී ලංකා මහ බැංකුව නිවේදනය කරයි.
පසුගිය අප්‍රේල් 08 දින ආරම්භ කළ මෙම වැඩ සටහන යටතේ ඔක්තෝබර් 07 දා වනවිට ඇමෙරිකානු ඩොලර් මිලියන 272 ක් මෙරට ගිණුම්වල තැන්පත් කොට ඇති බව මහ බැංකුව කියයි. එමගින් මෙරට විදේශ සංචිත ඉහළ නැංවීමේ හැකියාව නිසා මහා බැංකුව මෙම තීරණය ගෙන තිබේ.
