තවත් පවුල් ලක්ෂ දහයකට අස්වැසුම දෙන්න මුදල් වෙන්කර ඇති බව ජනාධිපති රනිල් වික්‍රමසිංහ මහතා යාපනේ රාජ්‍ය සේවකයින් සමග පැවති රැස්වීමක දී ප්‍රකාශ කළේ ය. උතුරේ දිළිඳු ජනයාට එම සහනාධාරය ඉක්මනින් ලබා දීමට කටයුතු කරන ලෙස එතුමා රජයේ නිලධාරීන්ගෙන් ඉල්ලා සිටියේ ය.

අස්වැසුම මගින් දිළිඳු ජනයාට ලැබෙන මුදල පෙර මෙන් තුන් ගුණයක් බව පෙන්වා දුන් ජනාධිපතිවරයා කීවේ පවුල් ලක්ෂ 24 කට  අස්වැසුම දීමට මුදල් වෙන්කර ඇතත්, තවමත් ලබා දී ඇත්තේ ලක්ෂ 14 කට බව යි. ප්‍රතිලාභින් හඳුනාගැනීමේ දී දකුණේ ඇතැම් ප්‍රශ්න මතුවීම මෙම තත්ත්වයට හේතු වූ බව කී ජනාධිපතිතුමා එබදු ප්‍රශ්න නැති උතුරේ දී ජනයාට සහන ඉක්මනින් ලබාදිය හැකි බව යි.

වාහන ආනයනයට පනවා ඇති සීමා ඇතුළු සියලු ආනයන සීමා ක්‍රමානුකුලව ඉවත් කිරීමට රජය තීරණය කොට ඇති බව තතු දත් ආරංචි මාර්ග කියයි.

ආනයන සීමා මගින් ආර්ථිකයට ඇතිවී තිබෙන අහිතකර බලපෑම් ඉවත් කිරීමත්, රජයේ බදු ආදායම් ඉහළ දමා ගැනීමත්, රුපියල පමණට වඩා අධි ප්‍රමාණ වීම වළකා ගැනීමත් සඳහා මෙලෙස ආනයන සීමා ඉවත් කිරීමට තීරණය කොට ඇත. කියවන්න...

2023 වසර අවසන් වන විට ශ්‍රී ලංකාවේ විදේශ සංචිත ප්‍රමාණය ඩොලර් බිලියන 4.3 ක් හෙවත් මිලියන 4300 ක් දක්වා ඉහළ ගොස් ඇති බව මහ බැංකු අධිපති ආචාර්ය නන්දලාල් වීරසිංහ මහතා ප්‍රකාශ කරයි.

මහ බැංකුව මෙම වසර තුළ ඩොලර් මිලියන 1900 ක් වෙළෙඳ පොලෙන් මිල දී ගෙන ඇත. ඊට අමතරව ජාත්‍යන්තර මුල්‍ය අරමුදලින් සහ ලෝක බැංකුව වැනි ආයතනවලින් ලැබුණු මුදල් ද සංචිත ගොඩ නැගීම සඳහා භාවිතා කොට ඇත. කියවන්න...

රට ගොඩ ගැනීමට අවශ්‍ය අසීරු තීරණ මේ වන විට ගෙන අවසන් බවත්, ඉදිරියේ දී ජනතාවට සහන සැලසීමට ක්‍රියා කරන බවත්, ජනාධිපති රනිල් වික්‍රමසිංහ මහතා ප්‍රකාශ කළේ ය.

අවශ්‍ය නිවැරදි තීන්දු තීරණ  සමඟ මෙම වසර ඇතුලත ශ්‍රී ලංකාව ශීඝ්‍ර ආර්ථික වර්ධනයක් කරා ගෙන යන බව  ද  වික්‍රමසිංහ මහතා පැවසීය. කියවන්න...

අද ( ජනවාරි 1 ) දින සවස් වන විට ඩොලරයේ අගය මද වශයෙන් පහළ ගොස් ඩොලරයට රුපියල් 322.20/40 ලෙස සටහන් වූ බව වාර්තා වෙයි.

පසුගිය සිකුරාදා එය සටහන් වුයේ 323.90 /324.00 වශයෙනි.

2023 වසරේ මෙරටට සංචාරකයින් ගෙන්වා ගැනීමේ ලක්ෂ 15 ක ඉලක්කය ආසන්නයට ම පැමිණෙමින් වසර තුළ සංචාරකයින් 1,487,303 ක් පැමිණ ඇති බව වාර්තා වෙයි.

එය ඉලක්කයට වඩා 12,697 කින් අඩු සංඛ්‍යාවකි. කියවන්න...

දශක දෙකහමාරකට පසු ප්‍රාථමික ගිණුමේ රුපියල් බිලියන 52 ක ඉතිරියක්

ඉතිහාසයේ පළමු වරට මෙරට රාජ්‍ය ආදායම ලෙස රුපියල් කෝටි තුන්ලක්ෂ එකළොස්දහස් පන්සියයක (බිලියන 3115) මුදලක් ගත වූ 2023 වසරේදී උපයා ගැනීමට රජය සමත් වී තිබේ. මෙය රාජ්‍ය ආදායම් ඉතිහාසයේ එක් වසරකදී උපයා ගනු ලැබූ ඉහළම අදායම වන බවත් රජයේ සමස්ත බදු ආදායම රුපියල් ට්‍රිලියන තුන ඉක්මවා අය කරගත් පළමු අවස්ථාව මෙය බවත් ජනාධිපති කාර්යාලයේ රාජ්‍ය ආදායම් ඒකකයේ අධ්‍යක්ෂ ජනරාල් එම්.ජේ. ගුණසිරි මහතා ප්‍රකාශ කළේය. මීට අමතරව රජයේ එදිනෙදා පුනරාවර්තන වියදම්වලින් පොලී වියදම් හැර අනෙකුත් වියදම් සපුරාලීමට රජයේ බදු ආදායම් මෙවර සමත් වී තිබෙන බව ද අධ්‍යක්ෂ ජනරාල්වරයා කීය. ඒ අනුව දශක දෙකහමාරකට පසුව, රුපියල් බිලියන 52ක ප්‍රාථමික ගිණුමේ ඉතිරියක් වාර්තා කිරීමට ද හැකියාව ලැබී ඇත.

වසර 2023 රජයේ සමස්ත ආදායම් ප්‍රශස්ත ලෙස ඉහළ යෑම පිළිබඳ වැඩිදුරටත් අදහස් දැක්වූ එම්.ජේ.ගුණසිරි මහතා, වසර 2023 දී රුපියල් බිලියන 2752ක බදු ආදායමකුත්, රුපියල් බිලියන 363 බදු නොවන හා ප්‍රධාන ලෙස ලැබූ ආදායමකුත් ලෙස රුපියල් 3115ක සමස්ත ආදායමක් ලබා ගෙන ඇතැයි පැවැසීය. කියවන්න...

තිරසාර කටුපොල් වගාව තුළින් ශ‍්‍රී ලංකාවේ ග‍්‍රාමීය ආර්ථිකය වෙනසකට ලක් කිරීම

ශ‍්‍රී ලංකාවේ මෙතෙක් වාර්තා වූ උග‍්‍ර ආර්ථික අර්බුදය මධ්‍යයේ, කටුපොල් තහනම වහා ඉවත් කිරීමට කඩිනම් පියවර ගන්නා ලෙස ශ්‍රී ලංකා වැවිලිකරුවන්ගේ සංගමය (PA) රජයෙන් ඉල්ලා සිටී. විශේෂයෙන් කලාපීය වැවිලි සමාගම් (RPCs) සහ කුඩා පරිමාණයේ කටුපොල් වගාකරුවන් යන දෙපාර්ශවයම ප‍්‍රතිලාභ ලබන කටුපොල් වගාවේ තිරසාර වර්ධනය සඳහා පුළුල් ප‍්‍රතිපත්ති රාමුවක් සකස් කිරීමේ අවශ්‍යතාව ශ්‍රී ලංකා වැවිලිකරුවන්ගේ සංගමය අවධාරණය කරයි. කියවන්න...

ජාතික පාරිභෝගික මිල දර්ශකයට අනුව උද්ධමනය නොවැම්බර් මසදී සියයට 2.8 දක්වා වැඩි වී ඇති බව ජන හා සංඛ්‍යා ලේඛන දෙපාර්තමේන්තුව ප්‍රකාශ කළේය. එම අගය  ඔක්තෝබර් මස සටහන්ව තිබුණේ  සියයට 1 ක් වශයෙනි.

මෙම උද්ධමනය අගයට සියයට 39.22 කින් ආහාර කාණ්ඩයේ උද්ධමනය දායකවී ඇති බවත් ආහාර නොවන කාණ්ඩයේ උද්ධමනය සියයට 60.78 කින් දායක වී ඇති බවත් ජන හා සංඛ්‍යා ලේඛන දෙපාර්තමේන්තුවේ දත්ත මගින් පෙන්වා තිබේ . කියවන්න...

පසුගිය ජුනි මාසයේදී මුලින් අනුමත කරන ලද ඩොලර්  මිලියන 500 ක් වූ ණය මුදලින්  ඩොලර් මිලියන 250 ක අයවැය ආධාරක ණයක් ශ්‍රී ලංකාවට නිකුත් කර ඇති බව ලෝක බැංකුව නිවේදනය කොට ඇත.

ප්‍රතිසංස්කරණ සම්බන්ධයෙන් සතුටුදායක ප්‍රගතියක් ඇති බවත්, සාර්ව ආර්ථික ප්‍රතිපත්ති රාමුව ප්‍රමාණවත් ලෙස පවතින බවත්, බැංකු (විශේෂ විධිවිධාන) පනත සම්මත කිරීමත් පිලිබඳ ප්‍රගතිය තක්සේරු කිරීමෙන් පසු ණය මුදලේ  දෙවන වාරිකය නිකුත් කරනු ඇති බව ද ලෝක බැංකුව කියයි. කියවන්න...