ආර්ථීකය සරලව
චීනය ඉන්දියාව ඇතුළු රටවල් ගණනාවකින් ආණ්ඩුව ඩොලර් බිලියන පහක පමණ ණය ඉල්ලා ඇතත් එම ණය කිසිවක් මේ වනතෙක් ලැබී නැති බව මුදල් අමාත්‍යංශ ආරංචි මාර්ග කිය යි.
ඉන්දියානු රජයෙන් ඩොලර් බිලියනයක් සහ චීන රජයෙන් ඩොලර් බිලියන 1.5 ක් රජයෙන් රජයකට දෙන අතමාරු ලෙස රජය ඉල්ලා සිටියේ පසුගිය වසරේ ඔක්තෝබර් මාසයේ දී ය. එම මුදල් ජනවාරි මාසයේ ලැබෙනු ඇති ආණ්ඩුව අපේක්ෂා කළේ ය.
වතු කම්කරුවන්ගේ අවම වැටුප රුපියල් දහසක් ලෙස, තමන්ගේ විරෝධය මැද, පඩි පාලක සභා නීතිය යටතේ ගැසට් කළ හොත් මෙතෙක් සේවක වැටුප් සහ වරප්‍රසාද තීරණය කළ සාමුහික ගිවිසුම්වලින් ඉවත්වීමට කටයුතු කරන බව වතු සමාගම් ප්‍රකාශ කොට ඇත.
වතු සමාගම් කියන්නේ නීති දෙකකින් වතු පාලනය කළ නොහැකි බව යි. ආණ්ඩුව සහ වතු වෘත්තීය සමිති වතු පාලනයට පඩි පාලක සභා නීතිය යොදා ගන්නේ නම් සාමුහික ගිවිසුම් නීතිය අවශ්‍ය නොවන බව වතු සමාගම් කිය යි.
කොළඹ වරායේ බටහිර ජැටිය සංවර්ධනය ඉන්දියාවේ අදානි සමාගමට ලබා දීමට ශ්‍රී ලංකා රජය ගත් බව කියන තීරණයට තමන්ගේ සම්බන්ධයක් නැති බව ඉන්දියානු රජය ප්‍රකාශ කරන බව වාර්තා වෙයි.
ශ්‍රී ලංකාවේ ඉන්දියානු මහ කොමසාරිස්වරයා ප්‍රකාශ කොට ඇත්තේ මෙම ව්‍යාපෘතියට ආයෝජකයකු නම් කිරීමක් ඉන්දියාව විසින් සිදු නොකළ බව යි. ශ්‍රී ලංකා රජයේ ප්‍රකාශය ගැන තමා පුදුම වන බව ද මහ කොමසාරිස්වරයා ප්‍රකාශ කොට ඇත.
කොළඹ වරායේ බටහිර පර්යන්තය ඉන්දියාවේ අදානි සමාගම සමග හවුල් ව්‍යාපාරයක් ලෙස සංවර්ධනය කිරීමට කැබිනට් අනුමැතිය හිමි වී තිබේ. ඒ අනුව වසර 35 කින් යලි ශ්‍රී ලංකාවට අයිතිය හිමිවන ව්‍යාපෘතියක් ලෙස මෙය සංවර්ධනය කිරීමට යෝජිත ය.
අදානී සමාගමේ දේශීය නියෝජිතයා ලෙස කටයුතු කරන්නේ ජෝන් කීල්ස් සමාගම යි.
තමන් දේශපාලනයට පැමිණීමේ එක ම අරමුණ දිළිඳු බව තුරන් කිරීම බවත් , ඒ සඳහා සුබසාධන රාජ්‍යයක් අවශ්‍ය බව තමා කල්පනා කළ බවත්, දිළිඳු බව තුරන් කළ හැක්කේ ව්‍යාපාර සහ ලාභාදයකත්වය වර්ධනය කරමින් ධනය නිපදවා එම ධනය දිළිඳු බව තුරන් කිරීමට යොදා ගැනීමෙන් බවත්, පකිස්ථාන අගමැති ඉම්රාන් ඛාන් මහතා කොළඹ දී ප්‍රකාශ කළේ ය.
තමා බලයට පත්වීමට පෙර දශක ගණනාවක් පකිස්ථානයේ පැවතියේ ව්‍යාපාරවලට සහ ලාභයට එරෙහි මතවාදයක් බවත්, නිලධාරී තන්ත්‍රය ක්‍රියා කළේ ව්‍යාපාර සහ ලාභවලට සතුරු ආකල්පයකින් බවත්, තමන් එම ආකල්පය වෙනස් කළ බවත් , පකිස්ථාන අගමැතිවරයා පැවසීය .
කොළඹ කොටස් වෙළෙඳපොළ දෛනික ගනුදෙනු අද (23) පස්වරු 1.28 ට මිනිත්තු 30 ක කාලයක් සඳහා අත්හිටුවනු ලැබීය.
S&P SL20 දර්ශකය පූර්ව ගනුදෙනු දිනයට සාපේක්ෂව 5% ක ප්‍රමාණයක් ඉක්මවා පහළ යාම මීට හේතුවයි.
ඉන්දියානු තෙල් සමාගමට ( IOC ) ගිවිසුමකින් පවරා ඇති ත්‍රිකුණාමලයේ තෙල් ටැංකි ශ්‍රී ලංකාවට ලබාදීමට ඉන්දියාව කිසිදු එකඟත්වයක් පල කොට නැති බව ඉංදීය රජයේ ආරංචි මාර්ග ප්‍රකාශ කොට ඇති බව වාර්තා වෙයි.
බලශක්ති ඇමති උදය ගම්මන්පිල මහතා ප්‍රකාශ කළේ මෙරට ඉන්දියානු මහ කොමසාරිස් වරයා එයට එකඟ වූ බව යි, එසේ වුව ද ඉන්දීය මහ කොමසාරිස් කාර්යාලය ඒ පිලිබඳව කිසිවක් ප්‍රකාශ කොට නැත.
කොළඹ වරායේ නැගෙනහිර බහාලුම්පර්යන්තයේ එකම හිමිකරුවා ශ්‍රී ලංකා වරාය අධිකාරිය බවට පත් වන්නේය යනනිවේදනය බොහෝ අය සතුටින් පිළිගත්හ. ඇතැම්හු සිය මතෘභූමියේ විශිෂ්ටජයග්‍රහණයක් ලෙස ද සැලකූහ. මෙම නිවේදයන කන වැකෙන තුරු අපගේ ජාතික දේපලවිකිණීමට පෙළඹිය යුතු නොවන්නේ මන්ද යන්න ගැනත් රටේ ස්වෛරීභාවය හා ජාතිකආරක්‍ෂාව පවා අනතුරට ලක්ව ඇති බවත් කියවෙන පුවත් විශේෂාංගවලින් අපි වැසී උන්නෙමු.
මෙසේ වූයේ ලෝකය පුරා පවතින වරායවලින් සියයට 80 කට වඩා විදේශ ආයෝජන මත පදනම් වූ හවුල් ව්‍යාපාර හරහා මෙහෙයුම් හා සංවර්ධන කටයුතු සිදු වෙද්දී ඒ ගැන නොතකමිනි. කොළඹ වරායේ දැනට පවතින පර්යන්තවලින් දෙකක් මෙහෙයුම් සිදු වන්නේ විදේශීය ආයෝජකයන්ගේ මැදිහත් වීමෙනි. ඒවා අති සාර්ථක ලෙස ශ්‍රී ලංකා වරාය අධිකාරියේ සමස්ත ලාභය ඉහළ නැංවීමට මෙම ලිපියේ පසුව පෙන්වා දෙන ආකාරයෙන් පැහැදිලි වෙයි.
දේවල් කීපයක් හොඳින් කරන, පොදු ජනතාවට ස්ථාවරත්වය දෙන, අනෙක් අය වෙනුවෙන් ධනය හා රැකියා නිර්මාණය කරන අය බැහැර නොකරන රජයක් පිළිබඳ සමාරම්භක කොලමේ සඳහන් කළා. එය තමයි අප අරගල කළ යුතු අරමුණ. ශ්‍රී ලංකාවේ රජය විසින් හොඳින් කළ යුතුව තිබෙන දේවල් කීපය මොනවාද?
රජයේ මූලික කාර්යයන් පිළිබඳ එකඟත්වයක් නිර්මාණය කරගැනීම උදෙසා දේශපාලන සංවාදයක් ගොඩනගන්නට පහත දැක්වෙන නිර්ණායක ප්‍රයෝජනවත් වේවි.
පෙරේදා පැවති මහා බැංකු බැඳුම්කර වෙන්දේසියේ දී ඉදිරිපත් කොට තිබු බැඳුම්කර වලින් සියයට හැට පහක් විකුණාගත නොහැකි වී ඇති බව වාර්තා වෙයි.
වෙන්දේසිය සඳහා බිලියන 40 ක් වටිනා බැඳුම්කර ඉදිරිපත් කොට තිබුන ද විකිණී ඇත්තේ බිලියන 13. 92 ක් වටිනා බැඳුම්කර ප්‍රමාණයක් පමණකි.
