ආර්ථීකය සරලව
කොවිඩ් වසංගත තත්ත්වයට රට මුහුණ දී සිටිය ද , 2020 වර්ෂයේ දී ශ්‍රී ලංකාවට ඩොලර් මිලියන 800 ක වීදෙස් ආයෝජන ලබාගත හැකි වී ඇති බව ශ්‍රී ලංකා ආයෝජනා මණ්ඩලයේ නව අධ්‍යක්ෂ ජෙනරාල් සංජය මොහොට්ටාල මහතා ප්‍රකාශ කරයි.
එමෙන් ම තවත් ඩොලර් මිලියන 200 ක් ලබා දීමට ගිවිසගෙන ඇති බව ද ඒ මහතා කියයි.
ශ්‍රී ලංකා මහ බැංකුවේ දෛනික විනිමය අනුපාත සටහනට අනුව, අද (23) දිනයේ දී එක්සත් ජනපද ඩොලරයක ගැණුම් මිල රු. 188.01 ක් හා විකුණුම් මිල රු. 193.05 ක් ලෙසින් සටහන් විය.
මෙය 2020 මැයි 04 වනදායින් පසු එක්සත් ජනපද ඩොලරයක් වෙනුවෙන් වාර්තා වූ වැඩිම ගැණුම් හා විකුණුම් මිල ගණන් වේ. එදින ඩොලරයක ගැණුම් මිල රු. 188.37 ක් හා විකුණුම් මිල රු. 194.11 ලෙසින් වාර්තා වුණි.
ශ්‍රී ලංකා මහජන උපයෝගිතා කොමිසන් සභා පනත සහ විදුලි බල මණ්ඩල පනත සංශෝධනය කිරීම සඳහා නීතිපතිවරයාගේ උපදෙස් ලබාගැනීමට ඊයේ පැවතී කැබිනට් රැස්වීමේ දී තීරණය කළ බව වාර්තා වෙයි.
ඒ අනුව ,විදුලි බල ව්‍යාපෘති අනුමැතියේ දී මහජන උපයෝගිතා කොමිසමට තිබු බලතල ඉවත් කොට එම ආයතනය පාරිභෝගික ආරක්ෂාව , සහ විදුලි බල ක්ෂේත්රයේ ප්‍රමිති සැකසීමට සීමා කිරීමට යෝජනා කොට තිබේ.
මුදල් මණ්ඩලය විසින් මුදල් අමාත්‍යවරයාගේ අනුමැතිය සහිතව සහකාර අධිපතිවරුන් වන ටී. එම්. ජේ. වයි. පී. ප්‍රනාන්දු මහත්මිය සහ එන්. ඩබ්ලිව්. ජී. ආර්. ඩී. නානායක්කාර මහතා 2020 දෙසැම්බර් මස 14 වැනි දින සිට ශ්‍රී ලංකා මහ බැංකුවේ නියෝජ්‍ය අධිපති තනතුරට උසස් කරන ලදී.
ටී. එම්. ජේ. වයි. පී. ප්‍රනාන්දු මහත්මිය
ශ්‍රී ලංකාවට අනුමත කොට තිබු ඩොලර් මිලියන 480 ක ආධාරය ලබා නොදීමට පසුගිය 15දා වොෂින්ටනයේදී රැස්වූ MCC හෙවත් මිලේනියම් චැලේන්ජ් කොපොරේෂන් අධ්‍යක්ෂ මණ්ඩලය තීන්දු කර ඇත. එම මුදල් වෙනත් රටකට ලබාදීමට එහි දී තීන්දු කොට තිබේ .
මුදල් අනුමත කොට තිබුණ ද එය ලබාගැනීමට ශ්‍රී ලංකාව උනන්දුවක් නොදැක්වීම නිසා මෙම තීරණය ගත් බව MCC නිවේදනය කොට තිබේ.
2020 දෙවන කාර්තුවේ දී ආර්ථිකය 16.3% කින් පහළවැටී ඇති බවත් , එය තෙවන කාර්තුවේ 1.5% ක වර්ධනයක් ඇත කරගත් බවත් ඒ අනුව වසරේ මුල් මාස 09 දී ආර්ථිකයේ සමස්ත පරිහානිය 5.3% ක් බවවත් ජනලේඛන සහ සංඛ්‍යාලේඛන දෙපාර්ත මේන්තුව වාර්තා කොට ඇත.
ජන ලේඛන සහ සංඛ්‍යාලේඛන දෙපාර්තමේන්තුවේ වාර්තා ඊයේ නිකුත් වීය. වසරේ දෙවන කාර්තුව සහ තෙවන කාර්තුව සඳහා වාර්තා දෙකක් ලෙස මෙම විස්තරාත්මක වාර්තා නිකුත් කොට ඇත
ශ්‍රී ලංකාවේ විදේශ සංචිත ප්‍රමාණය පසුගිය මාස තුනක දී ඇමෙරිකානු ඩොලර් මිලියන 1,880.70 කින් පහළ ගොස් ඇති බව ශ්‍රී ලංකා මහ බැංකු වාර්තා මගින් හෙළිදරව් වී ඇත . මෙය සියයට 25.31 ක් පහත වැටීමක් ලෙස ගණන් බලා තිබේ.
නොවැම්බර් අවසානයේ දී , ශ්‍රී ලංකාවේ විදේශ සංචිත ප්‍රමාණය සටහන් වුයේ ඩොලර් මිලියන 5,549.30 ක් වශයෙනි. එය 2017 අප්‍රේල් මාසයේ වාර්තා වූ ඩොලර් මිලියන 5,045.52 න් පසු වාර්තා වූ අඩුම අගය යි.
කොළඹ වරායේ නැගෙනහිර පර්යන්තය සංවර්ධනය ඉන්දියාවේ අදානි සමාගමට ලබාදීමට කැබිනට් මණ්ඩලයේ අනුමැතිය ලැබී ඇති බව වාර්තා වෙයි .
වරාය හා නාවික ඇමති රෝහිත අබේගුණවර්දණ මහතා මාධ්‍ය හමුවක් අමතමින් මේ බව ප්‍රකාශ කොට ඇත.
ශ්‍රී ලංකාවේ ණය ශ්‍රේණිය පහත දමන බව ජාත්‍යන්තර ණය ශ්‍රේණිගත කිරීමේ ආයතනයක් වන ස්ටෑන්ඩර්ඩ් ඇන්ඩ් පුවර්ස් ආයතනය අද නිවේදනය කළේ ය.
ඔවුන් ශ්‍රී ලංකාවට අද ලබාදුන්නේ CCC+/C ශ්‍රේණිය යි. එය මීට පෙර ලබා දී තිබු B – සිට ශ්‍රේණියක් පහළ දැමීමකි.
පාර්ලිමේන්තුවේ පනතකින් නීතිය වෙනස් නොකර හිතුවක්කාර ලෙස මහජන උපයෝගිත කොමිසම අහෝසි කරන්නට යෑමෙන් අලුත් ප්‍රශ්න රාශියක් නිර්මාණය වන බවත් , විදුලිබල ක්ෂේත්රයේ අලුත් සංවර්ධන වැඩ
කිසිවක් කළ නොහැකි තත්ත්වයක් උද්ගත වන බවත් ක්ෂේත්රයේ තතු දත් අංශවලින් ‘යුක්තිය’ට දැනගන්නට ලැබී ඇත.
