ආර්ථීකය සරලව
බස් රථවල ගමන් කරන විට මුදල් ගෙවා ටිකට් පත් ලබාගැනීම වෙනුවට පෙරගෙවුම් කාඩ් පතකින් ගෙවීම් කිරීමේ පහසුව ලබන මස අග සිට ලබාදීමට කටයුතු කරන බව ප්‍රවාහන ඇමති මහින්ද අමරවීර මහතා ප්‍රකාශ කරයි .
මෙම වැඩ පිළිවෙල වහාම ක්‍රියාත්මක කරන ලෙස ඇමතිවරයා අමාත්‍යංශ නිලධාරීන්ට උපදෙස් දී තිබේ.
මෙරට මූල්‍ය පද්ධතිය ශක්තිමත්ව පවතින බවත් මහජනතාවගේ තැන්පතුවල සුරක්ෂිත බව තහවුරු කිරීමට පියවර ගෙන ඇති බවත් ශ්‍රී ලංකා මහ බැංකුවේ අධිපති දේශමාන්‍ය මහාචාර්ය ඩබ්ලිව්.ඩී. ලක්ෂ්මන් මහතාගේ ප්‍රකාශයක් නිකුත් කරමින් සඳහන් කරයි
ශ්‍රී ලංකාවේ මූලය පද්ධතිය සහ මූලය ආයතන දුර්වල මට්ටමක පවතින බවත් එවැනි ආයතනවල සිදුකරනු ලබන තැන්පතු අහිමිවී යාමේ අවදානමකට පොදු මහජනතාව මුහුණ දී ඇති බවත් ඇතැම් කණ්ඩායම් සහ පුද්ගලයන් පදනේ විරහිත අනුමාන ප්‍රකාශ කරමින් සිටින බවත් මහ බැංකු අධිපතිවරයා ප්‍රකාශ කරයි.
ආචාර්ය සංජීව වීරවර්ණ තොරතුරු හා සන්නිවේදන තාක්ෂණ නියෝජිතායතනයේ (ICTA) අධ්‍යක්ෂ මණ්ඩලයෙන් ඉල්ලා අස්වීමෙන් අනතුරුව, 2020 මැයි 30 දිනැති ඔහුගේ බ්ලොග් සටහනට පසුව, ප්‍රධාන ධාරාවේ සහ සමාජ මාධ්‍යවල යම් සාකච්ඡාවක් ඇති වී තිබේ.
අපි ඔහුගේ නික්මීම වැළක්විය නොහැකි යැ‍යි සිතමු. ඒ ආචාර්ය වීරවර්ණ අනෙකුන් සමඟ, කාටත් පිළිගත හැකි පොදු එකඟතාවයන්ට එළඹ, තොරතුරු හා සන්නිවේදන තාක්ෂණ නියෝජිතායතනය හා දැඩි ලෙස බැඳුණු එකම කණ්ඩායමක් සේ ක්‍රියාකිරීම සහතික කරනු වෙනුවට, අධ්‍යක්ෂක මණ්ඩලය ක්‍රියාත්මක විය යුතු ආකාරය පිළිබඳව වෙනස් ආස්ථානයක් ගෙන ඇත .
කොවිඩ් 19 නිසා ඇති වී තිබෙන ආර්ථික පසුබැස්ම තාවකාලික බවත් , මේ වසරේ ඉදිරි කාලය තුළ ආර්ථිකය වර්ධනය වීම ආරම්භ වනු ඇති බවත් භාණ්ඩාගාරයේ ලේකම් එස් ආර් ආටිගල මහතා ප්‍රකාශ කරයි .
ඒ මහතා කියන්නේ මේ වසරේ තුන්වන සහ හතරවන කාර්තුවල දී ආර්ථීකය සියයට 2.5 – 3.0 ප්‍රමාණවලින් වර්ධනය වීමට පටන්ගනු ඇති බවයි.
ශ්‍රී ලංකා මහා බැංකුවේ මුල්‍ය ප්‍රතිපත්ති උපදේශක මණ්ඩලයට අලුතින් සාමාජිකයින් අට දෙනකු පත්කොට තිබේ.
එහි සභාපති ලෙස කටයුතු කළ කොළඹ විශ්ව විද්‍යාලයේ ආර්ථික විද්‍යා අංශයේ මහාචාර්ය සිරිමල් අබේය්රත්න මහතාගේ තනතුරේ වෙනසක් සිදුකොට නැත . ඒ මහතා තව දුරටත් මුල්‍ය ප්‍රතිපත්ති උපදේශක මණ්ඩලයේ සභාපති ලෙස කටයුතු කරනු ඇති බව වාර්තා වෙයි.
ශ්‍රී ලන්කන් ගුවන් සේවය සංක්‍රමණික ගුවන් මගීන් 289 ක් යොදා ගෙන අද (28) දින කටුනායක ගුවන් තොටුපළේ සිට මාලේ , ලන්ඩන් සහ මෙල්බර්න් ගුවන් තොටුපළ වෙත සීමිත ගුවන් මෙහෙයුමක් ක්‍රියාත්මක කළේය.
ඒ අනුව අද දින දහවල් 11.41 ට මාලදිවයින , මාලේ ගුවන් තොටුපළේ සිට ශ්‍රී ලන්කන් ගුවන් සේවයේ යූ.එල්.- 102 දරන විශේෂ ගුවන් යානය , ගුවන් මගීන් 120 ක් කටුනායක ගුවන් තොටුපළ රැගෙන පැමිණියේය.
දකුණු කොරියාවේ සේවයේ යෙදී සිට කොවිඩ් 19 පැතිරීමත් සමග දිවයිනට පැමිණ සිටි ශ්‍රී ලාංකික සේවකයන් ආපසු යාමට පටන්ගෙන ඇති බව ශ්‍රී ලංකා විදේශ සේවා නියුක්ති කාර්යාංශය පවසයි.
මේ අතරින් 160 ක් වූ පළමු පිරිස මියන්මාර් ජාත්‍යන්තර ගුවන් සේවයට අයත් යානයකින් ඊයේ මත්තල ගුවන් තොටුපලින් පිටත්ව ගියේ ය. එබඳු තවත් ගුවන් ගමන් සංවිධානය කරමින් තිබෙන බව නිල ආරංචි මාර්ග කියයි.
මෙරටට පැමිණෙන විදෙස් සංචාරකයන් සඳහා ගුවන්තොටුපොළ විවෘත කිරීම අගෝස්තු 1දා සිදුකිරීමට රජය තීරණය කොට ඇති බව ජනාධිපති කාර්යාලය ප්‍රකාශ කරයි.සංචාරක මණ්ඩලයේ ලියාපදිංචි හෝටල් සහ ආපන ශාලා විවෘත කිරීමට ද එදින සිට අවසර ලබාදෙන බව නිවේදනය කොට ඇත.
සංචාරක මණ්ඩලයේ ලියාපදිංචි නොකළ නවාතැන් පොළවල් හා ආපන ශාලා සඳහා අවසර ලබාදීම පසු අවස්ථාවක සිදු කරන බව කියති.
කොළඹ කොටස් වෙළෙඳපොළ සියලු කොටස් මිල දර්ශකය අද (14) ඒකක 26.29කින් ඉහළ ගියේය.
දිනයේ දෛනික ගනුදෙනු අවසානයේදී සියලු කොටස් මිල දර්ශකය ඒකක 4.393.54ක් ලෙස දැක්විණි. පෙර දිනය අවසානයේදී සියලු කොටස් මිල දර්ශකය ඒකක 4.367ක් ලෙස දැක්වුණු අතර ඒ අනුව අද දිනයේ සියලු කොටස් මිල දර්ශකයේ වැඩිවීම සියයට 0.60කි.
උද්ධමන පීඩා අඩුවෙන් පවතින වත්මන් වාතාවරණයක් තුළ ‘කොවිඩ්-19’ වසංගතයෙන් ආර්ථිකයට එල්ල වන අහිතකර බලපෑම්වලට මුහුණ දීම සඳහා ආර්ථිකයට තවදුරටත් සහාය වීමේ අවශ්‍යතාව සලකා බලමින් බැංකු පොළී අනුපාත තවදුරටත් පහළ දැමීමට ශ්‍රී ලංකා මහ බැංකුව තීරණය කර ඇත.
ඒ අනුව නිත්‍ය තැන්පතු පහසුකම් අනුපාතිකය සියයට 5.50ක් දක්වාත් නිත්‍ය ණය පහසුකම් අනුපාතිකය සියයට 6.50 දක්වාත් පදනම් අංක 50කින් අඩු කිරීමට ශ්‍රී ලංකා මහ බැංකුව තීරණය කර ඇත.
