ආණ්ඩුවට බඩු හිග නැත; අපට ගන්න බඩු නැත
රටේ බඩු හිගයක් නැති බව හා කලබල නොවී පෝලිමේ ගොස් බඩු ගන්නා ලෙස ආණ්ඩුව පුන පුනා කීව ද , පෝලිමේ සිට වෙළඳ සල් තුලට ගිය බොහෝ දෙනාට දැක ගන්නට ලැබුනේ අත්‍යවශ්‍ය අහාර අවසන්ව ඇති බව යි.
ආර්ථීකය සරලව
කොටස් වෙළෙඳපොළ වසා දමයි
මේ සතියේ ඉදිරි දින කිහිපයේ දී ද කොළඹ කොටස් වෙළෙඳපොළ වසා දැමීමට තීරණය කොට ඇත. ඒ අනුව මෙම සතිය ම කොටස් වෙළෙඳපොළ වසා දමා තිබෙනු ඇත.
ජාත්‍යන්තර ණය ගෙවීමට සහන ඉල්ලයි
කොවිඩ් 19 වසංගතයේ පීඩාවට ලක් වූ ශ්‍රී ලංකාවට තම ජාත්‍යන්තර ණය ගෙවීම සඳහා සහන කාලයක් ලබාදෙන ලෙස ජනාධිපති ගෝඨාභය රාජපක්ෂ මහතා ජාත්‍යන්තර ප්‍රජාවගෙන් ඉල්ලීමක් කොට ඇත.
මෙම වසරේ ශ්‍රී ලංකාව ගෙවිය යුතු ණය වාරික හා පොලියේ එකතුව ඩොලර් බිලියන 4.6 කි. මෙම ණය ගෙවීම අද පවතින තත්ත්වය යටතේ කෙසේවත් කළ නොහැකි බව ආර්ථික විශ්ලේෂකයන්ගේ මතයයි .
ඇඳිරි නීතිය පවතිද්දී ලිට්රෝ, ලාෆ් ගෑස් සැපයීමේ ජංගම සේවා
ඇඳිරි නීතිය පැවතිය ද නිවසට ම ගෑස් සැපයීමේ ජංගම සේවා ක්‍රියාත්මක කොට ඇති බව ලිට්රෝ සහ ලාෆ් ගෑස් සමාගම් නිවේදනය කොට ඇත.
ඒ අනුව දුරකථනයෙන් ඇමතුම් ලබාදීම මගින් නිවෙසට ම ගෑස් ගෙන්වා ගත හැකි බව එම සමාගම් කියයි.
බැංකු විවෘතකර තබන්නයි ජනපති කියයි
ඇඳිරි නීතිය පැවතිය ද , රජයේ සහ පෞද්ගලික බැංකු ශාඛා ගනුදෙනු කටයුතු සදහා විවෘතව තබන ලෙස ජනාධිපති ගෝඨාභය රාජපක්ෂ මහතා සියලු බැංකුවලට උපදෙස් දී ඇත.
අත්‍යවශ්‍ය සේවා හා වෙළෙඳ කටයුතු පවත්වාගෙන යාම සදහා පහසුකම් සැපයීමට මෙලෙස බැංකු ශාඛා විවෘතව තැබීම අවශ්‍ය බව රජය ප්‍රකාශ කරයි .
වෙළෙද නැව්වල සී මාර්ෂල්වරුන් නිරෝධායනයට
ශ්‍රී ලංකාවට මෙන්ම කලාපයටම ආනයන, අපනයන පහසුකම් සපයන්නට එන වෙළෙඳ නෞකාවල සී මාර්ෂල්වරුන් ඇතුළු කාර්ය මණ්ඩලයම රටේ ආරක්ෂාවට ප්‍රශ්නයක් නොවන ආකාරයෙන් නිරෝධායනය ක්‍රියාවලියකට යොමුකරන සැලැස්මක් ක්‍රියාත්මක කර ඇතැයි නාවික හමුදාපති වයිස් අද්මිරාල් පියල් ද සිල්වා පැවැසීය.
මේ අනුව වෙනමම පහසුකම් ඇති නිවාසවල ඔවුන්ට පහසුකම් සපයා පිටස්තර අය සමග නොගැවසෙන ක්‍රමවේදයක් යොදා තිබේ.
කොටස් වෙළෙඳපොළ නවතී !
කොළඹ කොටස් වෙළෙඳපොළේ වැඩ කටයුතු අද (මාර්තු 10 ) උදේ හදිසියේම නවතා දමනු ලැබීය. කොටස් මිල වේගයෙන් පහත වැටීම නිසා මම පියවර ගෙන තිබේ .
අද උදේ කොටස් වෙළෙදපොලේ ගනුදෙනු ආරම්භ කිරීමෙන් පසුව කොටස් මිල දර්ශක වේගයෙන් පහත වැටෙන්නට පටන්ගත් බව වාර්තා වෙයි .
ශ්‍රී ලංකාවේ කුඩා ව්‍යාපාර ලියාපදිංචි කරන්නේ ශත වර්ෂයක් පැරණි පනතකින් !
ශ්‍රී ලංකාවේ කුඩා සහ ක්ෂුද්‍ර ව්‍යාපාර ලියපදින්චිකිරීමට ඇති නීතිය ශත වර්ෂයකට වඩා පැරණි බවත් එය පනවා ඇත්තේ 1918 දී බවත් අධ්වෝකාටා ආයතනයේ ප්‍රධාන මෙහෙයුම් නිලධාරී ධනනාත් ප්‍රනාන්දු මහතා ප්‍රකාශ කළේය . එමෙන්ම එහි ඇති ඇතැම් කොන්දේසි අදට නොගැලපෙන බවත් සීමාසහිත සමාගමක් සමාගම් රෙජිස්ට්‍රාර් වරයා ළග ලිය පදිංචි කරනවට වඩා කුඩා සමාගමක් ලියාපදිංචි කිරීම අපහසු බවත් ඒ මහතා පෙන්වා දුන්නේය ‘
ධනනාත් ප්‍රනාන්දු මහතා මෙම අදහස් ප්‍රකාශ කළේ ශ්‍රී ලංකාවේ කුඩා ව්‍යාපාර මුහුණ දෙන ගැටළු පිලිබදව කළ සමීක්ෂණයක වාර්තාව එළිදැක්වීම සදහා පැවති උත්සවයකදී ය.
සීමාසහිත පුද්ගලික සමාගමක් ලියාපදිංචි කිරීමට වඩා ඒක පුද්ගල කුඩා ව්‍යාපාරයක් ලියාපදිංචි කිරීම අපහසු ය – අඩ්වෝකාටා ආයතනය
සීමාසහිත පුද්ගලික සමාගමක් ලියාපදිංචි කිරීමට වඩා ඒක ඒක පුද්ගල කුඩා ව්‍යාපාරයක් ලියාපදිංචි කිරීම අපහසු බව අඩ්වෝකාටා ආයතනය සිය නවතම අධ්‍යයන වාර්තාව එළිදක්වමින් කියයි ” පොඩි බිස්නස් පොඩි කරන රතු පටි රෙගුලාසි’ ලෙස හදුන්වා ඇති මෙම වාර්තාව සකස් කොට ඇත්තේ දිවයින පුරා කළ සමීක්ෂණයක ප්‍රතිඵල වශයෙනි